నియామకం తర్వాత తొలిసారి బీజేపీ ఆఫీసుకు చంద్రశేఖర్

దిశ, తెలంగాణ బ్యూరో: బీజేపీ రాష్ట్ర సంస్థాగత ప్రధాన కార్యదర్శిగా జాతీయ నాయకత్వం చంద్రశేఖర్ తివారీని ఇటీవల నియమించింది. కాగా ఆయన తొలిసారిగా పార్టీ రాష్ట్ర కార్యాలయానికి శనివారం వచ్చారు. పార్లమెంట్ ఎన్నికల నేపథ్యంలో ఆయన్ను అధిష్టానం నియమించింది. కాగా ఈ ఎలక్షన్లు పూర్తయ్యే వరకు ఆయన తెలంగాణలోనే మకాం వేయనున్నారు. ఎప్పటికప్పుడు పార్టీకి సంబంధించిన బలాలు, బలహీనతలపై దృష్టి సారించి హైకమాండ్‌కు నివేదికలు పంపించనున్నారు. దానికి అనుగుణంగా తెలంగాణ లోక్ సభ ఎన్నికల వ్యూహాలను అధిష్టానం రచించనుంది. ఆపై నాయకులకు దిశానిర్దేశం చేయనుంది.