గ్రూప్-2 పరీక్ష ప్రారంభానికి ముందు సెంటర్ వద్ద అభ్యర్థుల ఆందోళన

దిశ, వెబ్ డెస్క్, సంగారెడ్డి : ఆదివారం ఉదయం 10.30 గంటలకు తెలంగాణ రాష్ట్ర వ్యాప్తంగా గ్రూప్-2 పరీక్షలు(Group 2 exams) ప్రారంభం అయ్యాయి. కాగా ఈ పరీక్షలకు సంబంధించిన అన్ని ఏర్పాట్లను టీజీపీఎస్సీ(TGPSC), పోలీసుల సహకారంతో ఏర్పాటు చేసింది. అలాగే పరీక్ష కేంద్రాల వద్ద పటిష్ట భద్రతను ఏర్పాటు చేశారు. అయితే మరికొద్ది క్షణాల్లో పరీక్ష ప్రారంభం అవుతుందనే క్రమంలో.. ఓ పరీక్ష కేంద్రం వద్ద అభ్యర్థుల ఆందోళన వ్యక్తం చేశారు. లగేజ్ కౌంటర్ వద్ద ఒక్కో అభ్యర్థి నుంచి రూ.50 వసూలు చేస్తున్నారని ఆరోపిస్తూ.. యాజమన్యం తీరుపై అసహనం వ్యక్తం చేశారు. ఈ ఘటన ఉమ్మడి మెదక్ జిల్లాలోని సంగారెడ్డి ఎంఎన్ఆర్ మెడికల్ కాలేజీలో చోటు చేసుకుంది. సెల్ ఫోన్లు, లగేజ్ భద్రపరచడానికి రూ. 50 వసూలు చేస్తున్నారని నిరుద్యోగ అభ్యర్థులు యాజమాన్యాన్ని ప్రశ్నించగా.. కాలేజీ యాజమాన్యం దురుసుగా సమాధానం ఇస్తున్నారని అభ్యర్థుల ఆగ్రహం వ్యక్తం చేశారు. అలాగే ఈ ఘటపై తాము టీజీపీఎస్సీకి ఫిర్యాదు చేస్తుమని తెలిపారు. కాగా పోలీసులు జోక్యం చేసుకోవడం, పరీక్ష సమయం దగ్గర పడటంతో.. అభ్యర్థులు పరీక్ష కేంద్రంలోకి వెళ్లిపోయినట్లు తెలుస్తుంది.