BREAKING: బీఆర్ఎస్ బిగ్ షాక్.. ఇవాళ బీజేపీలో చేరనున్న సిట్టింగ్ ఎంపీ
దిశ, వెబ్‌డెస్క్: లోక్‌సభ ఎన్నికలు సమీపిస్తున్న బీజేపీ దూకుడు పెంచింది. ఈ మేరకు ఇవాళ ఢిల్లీలో బీజేపీ సెంట్రల్ ఎలక్షన్ కమిటీ భేటీ కానుంది. ముఖ్యంగా ఈ సమావేశంలో వందకు పైగా లోక్‌సభ స్థానాలకు గాను అభ్యర్థులను ఖరారు చేసే అవకాశం ఉన్నట్లుగా తెలుస్తోంది. ఇక తెలంగాణ నంచి 6 నుంచి 7 ఎంపీ స్థానాలకు గాను అభ్యర్థులను ప్రకటించనున్నట్లుగా సమాచారం. అయితే, ప్రస్తుతం రాబోతున్న మొదటి లిస్ట్‌లో ఎప్పుడూ గెలవని స్థానాకలు అభ్యర్థుల ప్రకటించనున్నట్లు విశ్వసనీయ వర్గాల సమాచారం. ఈ క్రమంలో నాగర్ కర్నూల్ సిట్టింగ్ ఎంపీ పోతుగంటి రాములు బీఆర్ఎస్ పార్టీకి గుడ్ బై చెప్పనున్నారు. ఈ మేరకు ఇవాళ మధ్యా్హ్నం ఆయన ఢిల్లీకి వెళ్లి బీజేపీ జాతీయ అధ్యక్షుడు జేపీ నడ్డా సమక్షంలో బీజేపీ కండువా కప్పుకోనున్నారు. అయితే, ఇవాళ బీజేపీ సెంట్రల్ ఎలక్షన్ కమిటీ భేటీ కానున్న నేపథ్యంలో టికెట్ ఆశిస్తున్న పలువురు నేతలు ఢిల్లీకి క్యూ కడుతున్నారు. అదేవిధంగా బీజేపీ కేంద్ర ప్రధాన కార్యదర్శి, ఎంపీ బండి సంజయ్ కుమార్‌కు నేడు సీఈసీ సమావేశానికి హాజరు కాబోతున్నారు.
