ఎన్నికల వేళ కాంగ్రెస్‌‌లో తీవ్ర విషాదం.. సీనియర్ నేత కన్నుమూత

దిశ, డైనమిక్ బ్యూరో: తెలంగాణ అసెంబ్లీ ఎన్నికల ముందు కాంగ్రెస్ పార్టీలో తీవ్ర విషాదం నెలకొంది. కాంగ్రెస్ సీనియర్ నేత, మాజీ కార్పొరేటర్ శీలం ప్రభాకర్ మృతిచెందారు. గతవారం రోడ్డు ప్రమాదంలో గాయపడిన ఆయన ఆస్పత్రిలో చికిత్స పొందుతూ సోమవారం తుదిశ్వాస విడిచారు. రోడ్డు ప్రమాదంలో గాయపడిన తమ అభిమాన నాయకుడు త్వరగా కోలుకొని తిరిగొస్తాడనుకున్న అభిమానులు, కార్యకర్తలు, అనుచరులు.. ఆయన మరణించారన్న వార్తతో తీవ్ర విషాదంలో మునిగిపోయారు. ఈ విషయం తెలుసుకున్న కాంగ్రెస్ సీనియర్ నేతలు.. శీలం కుటుంబ సభ్యులకు ఫోన్ చేసి పరామర్శించారు. శీలం అంత్యక్రియలు మంగళవారం జరుగుతాయని అనుచరులు తెలిపారు.