BIG BREAKING: విద్యార్థులకు బిగ్ అలర్ట్.. ఇంజినీరింగ్ కౌన్సెలింగ్‌ షెడ్యూల్ మార్పు

దిశ, వెబ్‌డెస్క్: తెలంగాణలో ప్రభుత్వ, ప్రైవేట్‌ ఇంజినీరింగ్‌ కళాశాలల్లో బీటెక్‌, బీఈ సీట్ల భర్తీకి నిర్వహించాల్సిన కౌన్సెలింగ్‌ షెడ్యూల్‌లో మార్పులు చేసినట్లుగా ఉన్నత విద్యా మండలి వెల్లడించింది. ఈ మేరకు జూన్‌ 27 నుంచి ప్రారంభం కావాల్సిన ఈ కౌన్సెలింగ్‌ ప్రక్రియ షెడ్యూల్‌ వాయిదా పడింది. జులై 4 నుంచి ఇంజినీరింగ్‌ తొలి విడత ప్రవేశ ప్రక్రియ ప్రారంభం కానుంది. అదేవిధంగా జులై 6 నుంచి 13 వరకు తొలి విడత సర్టిఫికెట్‌ వెరిఫికేషన్‌, జులై 8 నుంచి 15 వరకు తొలి విడత వెబ్‌ ఆప్షన్లకు అవకాశం కల్పించనున్నారు. అదేవిధంగా జులై 19న ఇంజినీరింగ్‌ తొలి విడత సీట్ల కేటాయింపు ఉంటుందని ఉన్నత విద్యా మండలి అధికారులు వెల్లడించారు.