కొత్త సచివాలయంపై బండి సంజయ్ సంచలన వ్యాఖ్యలు

దిశ, వెబ్‌డెస్క్: తెలంగాణ నూతన సచివాలయం హిందువుల మనోభావాలకు విరుద్ధంగా నిర్మించారని బీజేపీ రాష్ట్ర అధ్యక్షుడు బండి సంజయ్ ధ్వజమెత్తారు. తెలంగాణ సంస్కృతికి వ్యతిరేకంగా నిర్మించిన సచివాలం ప్రారంభోత్సవానికి ఆహ్వానించినా తాను అందులో అడుగుపెట్టబోయేది లేదని తేల్చి చెప్పారు. ఓ వర్గం ఓట్ల కేసమే సెక్రటేరియట్ నిర్మాణం జరిగిందని అన్నారు. రాష్ట్రంలో బీజేపీ అధికారంలోకి వచ్చాక సెక్రటేరియట్‌లో మార్పులు చేస్తామన్నారు. సచివాలయంలో హిందువుల వాటా రెండు గుంటలేనని విమర్శించారు. బీజేపీ అధికారంలోకి వస్తే సీఎం పోస్ట్ ఎవరికి అన్న దానిపై స్పందించిన బండి ఆ విషయం పూర్తిగా అధిష్టానం పరిధిలోనిదని, అధిష్టానం నిర్ణయం ప్రకారమే అంతా నడుచుకుంటామని చెప్పారు.