పారిశుద్ధ్య నిర్వహణ పకడ్బందీగా చేపట్టాలి

దిశ, ఆసిఫాబాద్ : జిల్లా మున్సిపాలిటీల పరిధిలో గల వార్డులలో పారిశుద్ధ్య నిర్వహణ పనులు పకడ్బందీగా చేపట్టాలని జిల్లా కలెక్టర్ వెంకటేష్ దోత్రే అన్నారు. బుధవారం ఆసిఫాబాద్ మున్సిపాలిటీలోని జనకాపూర్ వార్డు మేకల వాడలో పారిశుద్ధ్య పనులను పరిశీలించారు. ఈ సందర్భంగా ఆయన మాట్లాడారు.

మున్సిపాలిటీ పరిధిలోని వార్డుల్లో పారిశుద్ధ్యం లోపించకుండా మురుగు కాలువలను ఎప్పటికప్పుడు శుభ్రం చేసుకోవాలని, వార్డులలో అంతర్గత రహదారులపై చెత్త చెదారం లేకుండా శుభ్రంగా ఉంచాలని సూచించారు. ఈ క్రమంలో వాడలోని ఓ కిరాణా షాపు ముందు చెత్త చెదారం నిల్వ గమనించి సదరు దుకాణం యజమానికి జరిమానా విధించాలని మున్సిపల్ కమిషనర్ భుజంగరావును ఆదేశించారు.