వంటల ప్రోగ్రామ్‌కు హోస్ట్‌గా స్టార్ హీరోయిన్
దిశ, సినిమా: ఇటీవలే తమిళ వెబ్ సిరీస్ ‘నవంబర్ స్టోరీ’లో కనిపించిన స్టార్ హీరోయిన్ తమన్నా భాటియా.. ఓ టీవీ షోకు సైన్ చేసిందని తెలుస్తోంది. ప్రముఖ తెలుగు చానెల్‌ జెమినీలో ‘మాస్టర్ చెఫ్’ పేరుతో ప్రసారం కానున్న కుకింగ్ షోకు హోస్ట్‌గా ఎంట్రీ ఇవ్వబోతుండగా.. త్వరలోనే అఫీషియల్ అనౌన్స్‌మెంట్ వచ్చే చాన్స్ ఉంది. ఇందుకు సంబంధించిన ప్రోమోను ట్విట్టర్‌ ద్వారా ఏప్రిల్‌లోనే షేర్ చేసిన జెమిని.. ఈ షో విజేతకు రూ.25 లక్షల రివార్డు ప్రకటిస్తామని వెల్లడించింది. ఇక నితిన్‌, నభా నటేష్ జంటగా తెరకెక్కుతున్న అంధాదున్ రీమేక్ ‘మాస్ట్రో’లో నటిస్తున్న తమన్నా.. హిందీలో టబు చేసిన రోల్‌ చేయనుంది. తనకు నెగెటివ్ షేడ్స్ ఉన్న పాత్రల్లో నటించాలని ఉందని ఈ మిల్కీ బ్యూటీ గతేడాదే స్టేట్‌మెంట్ ఇవ్వగా.. ఈ సినిమాలో తను అదే తరహా క్యారెక్టర్ పోషిస్తోంది. కాగా డైరెక్టర్ మేర్లపాక గాంధీ ఈ రీమేక్‌ను తెరకెక్కిస్తున్నాడు.
