- తెలంగాణ
- ఆంధ్రప్రదేశ్
- సినిమా
- గాసిప్స్
- క్రైమ్
- లైఫ్-స్టైల్
- ఎడిట్ పేజీ
- రాజకీయం
- జాతీయం
- బిజినెస్
- వాతావరణం
- స్పోర్ట్స్
- జిల్లా వార్తలు
- ఎన్ఆర్ఐ - NRI
- సెక్స్ & సైన్స్
- ఫొటో గ్యాలరీ
- వైరల్
- భక్తి
క్రికెట్లో ఫుట్బాల్ ఆడిన కీపర్.. కొంపముంచేశాడుగా..
దిశ, వెబ్డెస్క్: తమ అద్భుత ప్రదర్శనతో అభిమానులను అలరించే ఆటగాళ్లు అప్పుడప్పుడు చిన్నపాటి తప్పిదాలు చేస్తూ జట్టుకు నష్టాన్ని చేకూరుస్తుంటారు. అయితే ఆ సంఘటనలు అభిమానులకు నవ్వులు తెప్పించడంతో పాటు కోపాన్ని తెప్పిస్తుంటాయి. ఇలాంటివే సోషల్ మీడియాలో వైరల్ అవుతూ ట్రెండ్ సృష్టిస్తుంటాయి. తాజాగా ఓ క్లబ్ క్రికెట్లో జరిగిన ఓ సంఘటన అందర్నీ ఆశ్చర్యానికి గురిచేసింది. తాజాగా యూరోపియన్ క్రికెట్ లీగ్లో ఇలాంటి ఘటనే జరిగింది.
ఈ క్రమంలోనే ఈ సరదా ఘటన జరిగింది. యునైటెడ్ క్రికెట్ క్లబ్- ప్రేగ్ టైగర్స్ జట్ల మధ్య టీ10 మ్యాచ్ జరిగింది. యునైటైడ్ విజయానికి 2 బంతుల్లో 3 పరుగులు అవసరం. యునైటెడ్ బ్యాటర్లు ఆయుష్ శర్మ, అభిమన్యు సింగ్ క్రీజ్లో ఉన్నారు. టైగర్స్ బౌలర్ కట్టుదిట్టంగానే బంతిని సంధించాడు. కానీ దాన్ని కొట్టడంలో ఆయుష్ విఫలమయ్యాడు. అయితే, వికెట్ కీపర్ బాల్ను సరిగ్గా ఒడిసి పట్టలేకపోయాడు. ఇదే సరైన సమయంగా భావించిన బ్యాటర్లు పరుగు తీసేందుకు ప్రయత్నించారు. దీంతో వికెట్ కీపర్ వెంటనే బంతిని కాలితో వికెట్ల మీదకు తన్నాడు. కానీ అది స్టంప్స్ను తాకకుండా దూరంగా వెళ్లిపోయింది. అక్కడ ఎవరూ లేకపోవడం వల్ల బ్యాటర్లు రెండు పరుగులు పూర్తి చేశారు.
ఇది చాలదన్నట్లు.. టైగర్స్ ఫీల్డర్లు కూడా గాబరా పడుతూ బంతిని విసిరేయడం వల్ల నేరుగా అది బౌండరీ లైన్ దాటేసింది. దీంతో మరో బంతి మిగిలి ఉండగానే యునైటెడ్ క్రికెట్ క్లబ్ విజయం సాధించింది. బంతిని చేత్తో పట్టుకోకుండా ఫుట్బాల్ తరహాలో కాలితో తన్నడం వల్ల రనౌట్ మిస్ అవ్వడంతో పాటు మ్యాచ్ కూడా ఓడిపోయారు. ఇందుకు సంబంధించిన వీడియో ప్రస్తుతం సోషల్ మీడియాలో చక్కర్లు కొడుతోంది. ఈ వీడియో చూసిన నెటీజన్లు.. వికెట్కీపర్పని తీరుకు పగలబడి నవ్వుడంతో పాటు ఫన్నీ కామెంట్లు పెడుతున్నారు.
Cricket at its wildest!🤯 #EuropeanCricket #EuropeanCricketSeries #StrongerTogether pic.twitter.com/J6BSLhqYqt
— European Cricket (@EuropeanCricket) July 22, 2023