పాక్ మాజీ క్రికెటర్‌‌కు దిమ్మతిరిగే కౌంటర్ ఇచ్చిన టీమిండియా మాజీ లెజెండ్..

దిశ, వెబ్‌డెస్క్: ఆసియా కప్ 2023 విషయంలో భారత్ నరకానికి పోయినా తమకు పట్టదని పాక్ మాజీ దిగ్గజం జావెద్ మియాందాద్ వివాదాస్పద వ్యాఖ్యలు చేసిన విషయం తెలిసిందే. అయితే దీనిపై టీమిండియా మాజీ ఆటగాడు వెంకటేష్ ప్రసాద్ ట్విట్టర్ వేదికగా స్పందించాడు. భారత్ నరకానికి పోయినా తమకు పట్టదని మియాందాద్ అనడం ప్రసాద్‌కు రుచించలేదు. అందుకే 'కానీ వాళ్లు నరకానికి వెళ్లం అంటున్నారు' (బట్ దే ఆర్ రిఫ్యూజింగ్ టు గో టు హెల్) అని ట్వీట్ చేశాడు. ఇది చూసిన నెటిజన్లు తెగ నవ్వుకుంటున్నారు. వెంకటేష్ ప్రసాద్‌లో పాతకాలం పదును ఇంకా తగ్గలేదని మెచ్చుకుంటున్నారు. 'ఈ డైలాగ్ వెళ్లి మియాందాద్‌కు ఎక్కడో దిగింది' అంటూ జోకులు పేలుస్తున్నారు.