Tilak Varma : వరుసగా మూడు సెంచరీలు.. టీ20ల్లో తిలక్ వర్మ అరుదైన రికార్డు
దిశ, స్పోర్ట్స్ : టీ20 మ్యాచ్‌ల్లో వరుసగా మూడు సెంచరీలు చేసిన తొలి బ్యాట్స్‌మెన్‌గా తెలుగు కుర్రాడు తిలక్ వర్మ నిలిచాడు. సయ్యద్ ముస్తాక్ అలీ ట్రోఫీలో భాగంగా శనివారం సౌరాష్ట్రలో జరిగిన టీ20 మ్యాచ్‌లో 151 పరుగులు చేయడం ద్వారా ఈ ఫీట్ సాధించాడు. సౌతాఫ్రికాతో రెండు, ఈ మ్యాచ్‌లో ఓ సెంచరీని తిలక్ వర్మ నమోదు చేశాడు. అలాగే ఓ టీ20 మ్యాచ్‌లో 150+ పరుగులు చేసిన తొలి భారతీయ ఆటగాడిగా తిలక్ వర్మ నిలిచాడు. ఈ ట్రోఫీలో హైదరాబాద్ కెప్టెన్‌గా తిలక్ వర్మ బరిలోకి దిగాడు. 67 బంతుల్లో 14 ఫోర్లు, 10 సిక్స్‌లు బాది 151 పరుగులు చేశాడు. ఈ ట్రోఫీలో శ్రేయస్ అయ్యర్ (147) అత్యధిక వ్యక్తిగత స్కోరును తిలక్ వర్మ అధిగమించాడు. హైదరాబాద్ 4 వికెట్లు కోల్పోయి 248 పరుగులు చేయగా లక్ష్య ఛేదనలో మేయాలయ బ్యాట్స్‌మెన్లు చేతులెత్తేశారు. కేవలం 69 పరుగులకే ఆ జట్టు కుప్పకూలింది. దీంతో హైదరాబాద్ 179 పరుగుల భారీ తేడాతో ఘన విజయం సాధించింది.
