అంతటి ప్రశాంతత ఉంటుందంటూ.. క్రికెటర్‌పై ప్రధాని ప్రశంసల వర్షం..

దిశ, వెబ్‌డెస్క్: ప్రధాని మోదీ భారత మహిళా క్రికెట్ టీం పేసర్‌ రేణుక సింగ్‌పై ప్రశంసల వర్షం కురిపించారు. అయితే కామన్ వెల్త్ గేమ్స్ 2022లో అత్యధిక వికెట్లు పడగొట్టిన బౌలర్‌గా ఆమె రికార్డ్ చేసింది. ఈ గేమ్స్‌లో రేణుక ఆటతీరుకు అందరూ ఫిదా అయిపోయారు. కామన్ వెల్త్ గేమ్స్‌లో రేణుక ప్రదర్శనపై ప్రధాని మోడీ స్పందిస్తూ ప్రశంసలు కురిపించారు. రేణుక సింగ్ స్వింగ్‌కు ఎవరి దగ్గర సమాధానం లేదంటూ కొనియాడారు. 'రేణుక స్వింగ్‌కు ప్రపంచ ఆటగాళ్లు సమాధానం చెప్పలేరు. ఆమె ముఖం సిమ్లా అంత ప్రశాంతంగా ఉంటుంది. అంతే ఆమె నవ్వు పర్వాతల్లా ఉంటుంది. కానీ రేణుక దూకుడు టాప్ బ్యాటర్స్‌ను సైతం ముప్పుతిప్పలు పెడుతుంది' అని మోడీ పొగడ్తలు గుప్పించారు.