పూల్-బీలో ఇండియా హాకీ జట్టు

దిశ, స్పోర్ట్స్: ఆసియా గేమ్స్ చాంపియన్, టోక్యో ఒలింపిక్స్ కాంస్య పతక విజేత అయిన భారత పురుషుల హాకీ జట్టు.. ఈ ఏడాది జరగనున్న పారిస్ ఒలింపిక్స్‌కు అర్హత సాధించింది. ఎఫ్‌ఐహెచ్ హాకీ ఒలింపిక్ క్వాలిఫయర్స్ పూర్తయిన తర్వాత అంతర్జాతీయ హాకీ సమాఖ్య.. పురుషులు, మహిళల హాకీ పోటీల పూల్‌లను తాజాగా ప్రకటించింది. దీని ప్రకారం, పురుషుల హాకీ పోటీలో కఠినమైన పూల్-బీలో భారత్ నిలిచింది. పూల్-బీలో వరల్డ్ నం.2 అయిన భారత్‌తోపాటు డిఫెండింగ్ చాంపియన్ బెల్జియం, వరల్డ్ నం.2 ఆస్ట్రేలియా, రియో ఒలింపిక్స్ గోల్డ్ మెడలిస్ట్ అర్జెంటీనా సహా న్యూజిలాండ్, ఐర్లాండ్ జట్లు ఉన్నాయి. ఇక, పూల్-ఏలో నెదర్లాండ్స్, జర్మనీ, బ్రిటన్, స్పెయిన్, ఫ్రాన్స్, దక్షిణాఫ్రికా ఉన్నాయి. మరోవైపు, శుక్రవారం రాంచీ వేదికగా జరిగిన క్వాలిఫయర్స్‌లో జపాన్ చేతిలో 0-1తో ఓడిన భారత మహిళల జట్టు.. పారిస్ ఒలింపిక్స్‌కు అర్హత సాధించలేదన్న విషయం తెలిసిందే. కాగా, పారిస్ ఒలింపిక్స్ జూలై 26 నుండి ఆగస్టు 11 వరకు జరగనున్నాయి. హాకీ పోటీలు జూలై 27న ప్రారంభమై ఆగస్టు 9న ముగుస్తాయి.