ముగ్గురు పారా ఆర్చరీలకు పతకాలు

దిశ, స్పోర్ట్స్ : ఆస్ట్రేలియాలో జరిగిన వరల్డ్ ఆర్చరీ ఓషియానియా పారా గ్రాండ్ ప్రిక్స్ టోర్నీలో భారత ఆర్చరీలు సత్తాచాటారు. మహిళల కాంపౌండ్ ఓపెన్ కేటగిరీలో సరిత రజత పతకం సాధించింది. ఫైనల్‌లో సరిత 141-145 తేడాతో సింగపూర్ ఆర్చర్ అలీమ్ చేతిలో ఓడి రెండో స్థానంతో సరిపెట్టింది. అలాగే, రికర్వ్ ఓపెన్ పురుషుల, మహిళల కేటగిరీల్లో హర్విందర్ సింగ్, పూజ కాంస్య పతకాలు దక్కించుకున్నారు. బ్రాంజ్ మెడల్ మ్యాచ్‌ల్లో హర్విందర్ సింగ్ 6-2 తేడాతో కాంఘున్(సౌత్ కొరియా)ను ఓడించగా.. పూజ 6-2 తేడాతోనే ఓయున్ ఎర్డెన్(మంగోలియా)ను చిత్తు చేసింది. మొత్తంగా ఈ టోర్నీని భారత్ రజతం, రెండు కాంస్య పతకాలతో ముగించింది.