ICC ODI Ranking 2023: టాప్ప్లేస్‌కు అతి దగ్గరలో గిల్-సిరాజ్..
దిశ, వెబ్‌డెస్క్: ఐసీసీ బుధవారం వన్డే ర్యాంకింగ్స్ విడుదల చేసింది. తాజా ర్యాంకింగ్స్‌లో టీమిండియా ఓపెనర్ శుభ్మన్ గిల్ (823 రేటింగ్స్).. టాప్‌లో ఉన్న పాకిస్థాన్ కెప్టెన్ బాబర్ అజామ్ (829 రేటింగ్స్)కు అతి చేరువలోకి వచ్చాడు. వీరిద్దరూ తొలి రెండు స్థానాల్లో ఉండగా.. సౌతాఫ్రికా స్టార్ బ్యాటర్ హెన్రీచ్ క్లాసెన్ ఏకంగా ఏడు స్థానాలు మెరుగుపర్చుకున్నాడు. ప్రస్తుతం అతడు 756 రేటింగ్స్‌తో 4వ ప్లేస్ దక్కించుకున్నాడు. మరో సౌతాఫ్రికా ప్లేయర్ క్వింటన్ డికాక్.. 769 రేటింగ్స్‌తో 3 స్థానంలో ఉండగా.. స్టార్ బ్యాటర్ విరాట్ కోహ్లీ (747 రేటింగ్స్) 5వ స్థానం, కెప్టెన్ రోహిత్ శర్మ (725 రేటింగ్స్) 8 ప్లేస్‌లో కొనసాగుతున్నారు. ఆస్ట్రేలియా డాషింగ్ బ్యాటర్ డేవిడ్ వార్నర్.. (747 రేటింగ్స్) విరాట్‌తో కలిసి ఐదో స్థానంలో ఉన్నాడు.
టాప్ పొజిషన్‌కు అతి చేరువలో సిరాజ్.. బౌలింగ్ విభాగంలో ఆస్ట్రేలియా స్టార్ పేసర్ జోష్ హజెల్వుడ్ 670 రేటింగ్స్‌తో అగ్రస్థానంలో ఉండగా.. టీమిండియా పేసర్ మహ్మద్ సిరాజ్ 668 రేటింగ్స్‌తో, కేవలం రెండు పాయింట్ల తేడాతో 2వ స్థానంలో కొనసాగుతున్నాడు. సౌతాఫ్రికా బౌలర్ కేశవ్ మహరాజ్.. (656 రేటింగ్స్) కెరీర్ బెస్ట్ ర్యాంక్ దక్కించుకున్నాడు. అతడు మూడో ప్లేస్‌లో కొనసాగుతున్నాడు. ఇక టీమిండియా స్పిన్నర్ కుల్దీప్ యాదవ్ (632 రేటింగ్స్) తొమ్మిదో స్థానం, పేసర్ జస్ప్రీత్ బుమ్రా (620 రేటింగ్స్) 13వ ప్లేస్‌లో ఉన్నారు. ఇక ఆల్రౌండర్ ర్యాంకింగ్స్‌లో.. బంగ్లాదేశ్ కెప్టెన్ షకీబ్అల్ హసన్ ఈ లిస్ట్‌లో (324 రేటింగ్స్) అగ్రస్థానంలో కొనసాగుతున్నాడు. టీమిండియా స్టార్ ఆల్రౌండర్ హార్దిక్ పాండ్య.. 219 రేటింగ్స్‌తో తొమ్మిదో ప్లేస్‌లో ఉన్నాడు.
