SRH జట్టును వీడటంపై భువనేశ్వర్ కుమార్ ఎమోషనల్ పోస్ట్
దిశ, వెబ్‌డెస్క్: భారత సీనియర్ బౌలర్, సన్ రైజర్స్ హైదరాబాద్ జట్టు ఆపద్బాంధవుడు భువనేశ్వర్ కుమార్.. వేలం తర్వాత SRH జట్టుకు దూరం అయ్యాడు. మెగా వేలంలో.. ఆయన్ను ఆర్సీబీ జట్టు.. 10.75 కోట్లకు కొనుగోలు చేయడం తో భువనేశ్వర్ ఆరెంజ్ ఆర్మీ ఫ్యామిలీకి గుడ్ బాయ్ చెప్పారు. ఈ సందర్భంగా ఆయన ట్విట్టర్ వేదికగా వీడియోను ట్యాగ్ చేస్తూ ఓ ఎమోషనల్ ట్వీట్ చేశాడు. తన ట్వీట్‌లో "SRHతో 11 సంవత్సరాల అద్భుతమైన జర్నీ తర్వాత నేను ఈ బృందానికి వీడ్కోలు చెబుతున్నాను.
ఈ జట్టుతో నాకు చాలా మరపురాని, చిరస్మరణీయమైన జ్ఞాపకాలు ఉన్నాయి. ఒక అద్భుతమైన విషయం ఏమిటంటే నా పై అభిమానుల ప్రేమ అద్భుతమైనది. మీ మద్దతు నాకు నిరంతరంగా ఉంది. ఈ ప్రేమను, మద్దతును నేను ఎప్పటికీ నా వెంట ఉంచుకుంటాను అని రాసుకొచ్చాడు. కాగా ఈ వేలానికి ముందు ఎలాగైన భువనేశ్వర్ కుమార్ ను జట్టులోకి తిరిగి తీసుకోవాలని సోషల్ మీడియాలో ట్రెండింగ్ చేశారు. కానీ యాజమాన్యం పర్స్ వ్యాల్యూ దృష్ట్యా.. చివరకు భువనేశ్వర్ కుమార్ ను జట్టు వదులుకోవాల్సి వచ్చింది.
