Rohit Sharma : టీమిండియా కెప్టెన్ రోహిత్ శర్మకు అరుదైన గౌరవం

దిశ, వెబ్‌డెస్క్: టీమిండియా కెప్టెన్, స్టార్ బ్యాటర్ రోహిత్ శర్మకు అరుదైన గౌరవం దక్కింది. ఉత్తర ప్రదేశ్‌లోని అయోధ్యలో ప్రతిష్టాత్మకంగా నిర్మించిన అయోధ్య రామ మందిరం ప్రారంభోత్సవ వేడుకకు రావాలని ఆహ్వానం అందింది. రామ మందిర ఓపెనింగ్ కార్యక్రమానికి రావాలని హిట్ మ్యాన్‌కు ఇవాళ శ్రీరామ జన్మభూమి తీర్థ క్షేత్ర ట్రస్ట్ ప్రతినిధులు ఇన్విటేషన్ అందించారు. కాగా, అయోధ్యలో నూతనంగా నిర్మించిన అయోధ్య రామ మందిరం ప్రారంభోత్సవం, రామ్‌లల్లా ప్రాణప్రతిష్ట వేడుక కన్నులపండుగా ఈ నెల 22వ తేదీన జరగనున్న విషయం తెలిసిందే.

ఇప్పటికే ఏర్పాట్లన్నీ పూర్తై రామ మందిరం ఓపెనింగ్‌కు రెడీగా ఉంది. ఆలయంలో ప్రతిష్టించనున్న రామ్ లల్లా విగ్రహం సైతం అయోధ్యకు చేరుకుంది. ప్రతిష్టాత్మకంగా నిర్మించిన ఈ రామ మందిర ప్రారంభోత్సవ వేడుకకు శ్రీరామ జన్మభూమి తీర్థ క్షేత్ర ట్రస్ట్ దేశ, విదేశీ ప్రముఖులను ఆహ్వానించింది. ప్రధాని మోడీ, అమిత్ షా, అంబానీ, అదానీ, అమితా బచ్చన్, చిరంజీవి, ధోని, కోహ్లీ, గంగూలీ వంటి ప్రముఖులకు ఈ కార్యక్రమానికి రావాలని ఆహ్వానాలు పంపించింది. ఈ నేపథ్యంలో తాజాగా టీమిండియా కెప్టెన్ రోహిత్ శర్మకు సైతం ఇన్విటేషన్ అందించింది.