సోనూ.. తుఫాన్‌ను ఇంట్లో డ్రాప్ చెయ్
సోనూసూద్ రియల్ లైఫ్ హీరో అయిపోయాడు. ట్రాన్స్‌పోర్ట్ సౌకర్యం కల్పించి వలస కార్మికులను ఇంటికి చేర్చిన ఆయన వారి పాలిట దేవుడయ్యాడు. ఆయన చేసిన గొప్ప పనికి సామాన్యుల నుంచి సెలబ్రిటీల దాకా అందరి ప్రశంసలు అందుకున్నాడు. స్క్రీన్‌పై విలన్‌గా కనిపించే సోనూను.. నిజజీవితంలో చేసిన పనులు హీరోను చేయడంతో ఇక తనను వెండితెర మీద హీరోగా చూపించాలని.. దర్శక, నిర్మాతలను డిమాండ్ చేస్తున్నారు ఫ్యాన్స్. ఆయన సూపర్ మ్యాన్ అంటూ క్రియేట్ చేసిన మీమ్స్ కూడా వైరల్ అయ్యాయి.
ఇదిలా ఉంటే, నిసర్గ తుఫాన్‌తో మహారాష్ట్ర పోరాడుతున్న వేళ.. సోనూసూద్‌కు మీమ్స్ రూపంలో ఫ్యాన్స్ నుంచి మరో డిమాండ్ వచ్చింది. సోనూ.. తుఫాన్ తన దారి మరిచిపోయింది. తనకు తన ఇంటిని కనుగొనేందుకు హెల్ప్ చెయ్. తల్లి హరికేన్ తన గురించి ఇంటి దగ్గర వెయిట్ చేస్తుందనే మీమ్ సోషల్ మీడియాలో వైరల్ అయింది. దీనిపై ఫన్నీ రిప్లై ఇచ్చిన సోనూ.. తనను కూడా ఇంట్లో వదిలిపెడతాను అని స్మైల్‌తో ట్వీట్ చేశారు.
