దొంగల ముఠాతో చేతులు కలిపిన ఎస్ఐ, జర్నలిస్ట్

దిశ, వెబ్‌డెస్క్: కర్ణాటకలో పోలీస్, జర్నలిస్టు దొంగల ముఠాతో చేతులు కలిపి లక్షల్లో డబ్బు నొక్కేసిన ఘటన చోటు చేసుకుంది. బెంగళూరులోని చిక్కపేటలో ఈనెల 19న ఘటన వెలుగులోకి రావడంతో ఇద్దరు జైలు పాలయ్యారు. దీనికి సంబంధించిన వివరాలు ఇలా ఉన్నాయి. శివ కుమారస్వామి అనే వ్యక్తి 26.5లక్షల నగదును తీసుకు వస్తున్న విషయం ఎస్సై జీవన్ కుమార్‌కు స్నేహితుడి ద్వారా తెలిసింది. దీంతో అతడు చిక్కపేట మెట్రో స్టేషన్ సమీపానికి రాగానే ముగ్గురు వ్యక్తులు అడ్డుకొని అతని వద్ద డబ్బులు గుంజుకొని పరారయ్యారు. బాధితుడు పోలీసులకు ఫిర్యాదు చేయగా అసలు బయట పడింది. దొంగల ముఠాతో కలిసి ఎస్సై జీవన్ కుమార్, రిపోర్టర్ జ్ఞానప్రకాష్ కలిసి ఈ కుట్ర చేశారని తేలడంతో వారిని అదుపులోకి తీసుకున్నారు. మిగిలిన వారి కోసం గాలిస్తున్నారు.