‘నాగిన్’ గా సాహో బ్యూటీ!

దిశ, వెబ్‌డెస్క్ :
బాలీవుడ్ బ్యూటీ శ్రద్ధా కపూర్ మరో క్రేజీ ప్రాజెక్ట్‌కు సైన్ చేసింది. ‘నాగిన్’ అవతార్‌లో ఆడియన్స్‌కు సరికొత్తగా కనిపించేందుకు సిద్ధమవుతోంది. ఒకప్పటి స్టార్ హీరోయిన్స్ తమ తమ జనరేషన్స్‌లో చేసిన నాగిన్ పాత్రను ఈ తరంలో శ్రద్ధ చేయబోతుంది. ఈ విషయాన్ని సోషల్ మీడియా వేదికగా ప్రకటించిన ఈ బీటౌన్ హీరోయిన్.. శ్రీదేవి గారి ‘నాగిన, నిగాహెన్‌’లను చూస్తూ, ఆరాధిస్తూ, విగ్రహారాధన చేస్తూ పెరిగానని.. భారతీయ సంప్రదాయ జానపద కథల్లో పాతుకుపోయిన ఈ పాత్రను చేయడం గర్వంగా ఉందని తెలిపింది. ప్రేక్షకులను ఎప్పటికప్పుడు ఎంటర్‌టైన్ చేసే ఐకానిక్ క్యారెక్టర్‌ను ప్లే చేయడం సంతోషంగా ఉందని చెప్పింది.

దర్శకుడు విశాల్ ఫ్యూరియా, నిర్మాత నిఖిల్ ద్వివేది ఈ చిత్రాన్ని అమేజింగ్ విజువల్ ఎఫ్ఎక్ట్స్‌తో తెరకెక్కించాలని ప్లాన్ చేశారు. మూడు సిరీస్‌లతో కూడిన ఈ సినిమాను కుంకుమ బ్రాడ్‌కాస్ట్ & మీడియా లిమిటెడ్ పతాకంపై నిఖిల్ ద్వివేది నిర్మించనుండగా.. ఈ ప్రాజెక్ట్ ప్రకటనతో శ్రద్ధ అభిమానులు హాపీగా ఫీల్ అవుతున్నారు.