ఏపీ కేబినెట్ కీలక నిర్ణయాలు
దిశ, ఏపీబ్యూరో: ఏపీ కేబినెట్ సమావేశంలో పలు కీలక నిర్ణయాలు తీసుకున్నారు. రైతులకు ఇన్పుట్ సబ్సిడీతో పాటు మూడో విడత రైతు భరోసా ఇవ్వాలని ఏపీ కేబినెట్ తీర్మానించింది. శుక్రవారం సీఎం జగన్ అధ్యక్షతన కేబినెట్ సమావేశం జరిగింది. కేబినెట్ నిర్ణయాలను మంత్రి పేర్నినాని మీడియాకు వెల్లడించారు.
ఆమోదించిన ముఖ్యమైన తీర్మానాలు..
– రైతులకు రూ.719 కోట్ల ఇన్పుట్ సబ్సిడీ చెల్లింపు, రైతు భరోసా మూడో సీజన్‌కు ఆమోదం. 29న రైతుల అకౌంట్‌లో రైతు భరోసా సొమ్ము జమ.
– పశుసంవర్ధకశాఖలో కాంట్రాక్ట్ పద్ధతిలో పోస్టుల భర్తీకి నిర్ణయం.
– పులివెందులలో ఏపీ ఇనిస్టిట్యూట్‌ ఆఫ్‌ రూరల్ మేనేజ్‌మెంట్‌ ఏర్పాటు
– ఆర్డినెన్స్ ద్వారా ఏపీఎంఈఆర్‌సీ ఏర్పాటునకు నిర్ణయం
– 1,100 సినిమా థియేటర్లకు రుణాలు, వడ్డీపై సబ్సిడీ. సినీ పరిశ్రమకు కూడా రీస్టార్ట్ ప్యాకేజీ అమలు. ఏపీ కొత్త పర్యాటక విధానానికి కేబినెట్ ఆమోదం. పర్యాటక ప్రాజెక్టుల పెట్టుబడులకు ప్రోత్సాహకాలు
– ఏప్రిల్, మే, జూన్ కాలానికి పవర్ ఫిక్స్‌డ్ చార్జీల రద్దు.
– రాష్ట్రంలో సమగ్ర భూ సర్వేకు ఆమోదం. ల్యాండ్ సర్వే, బౌండరీ చట్టంలో 5 సవరణలు, 3 ఏళ్లలో భూ సర్వే పూర్తి చేసి భూహక్కు పత్రాల జారీ. ల్యాండ్ రికార్డుల తయారీకి ఆమోదం
– తిరుపతి వద్ద 40 ఎకరాల్లో సర్వే అకాడమీ ఏర్పాటు. ఏపీ ఐఐసీ ద్వారా ఏర్పాటు చేసే పరిశ్రమల పార్కునకు ఏర్పేడులో పరిహారం చెల్లింపులకు ఆమోదం
– మార్చి నుంచి కోవిడ్ కారణంగా ఇబ్బందులు పడిన హోటళ్లు, రెస్టారెంట్లు, పర్యాటక ప్రాజెక్టులకు రీస్టార్ట్ ప్యాకేజీ. రూ.50 వేల నుంచి రూ. 15 లక్షల వరకు రుణ సదుపాయం కల్పించాలని నిర్ణయం. ఇందుకోసం రూ.198 కోట్ల కేటాయింపు, 6 మాసాలపాటు మారటోరియం. ఎస్ జీఎస్టీ, స్టాంపు డ్యూటీ మినహాయింపుతో ప్రోత్సాహకాలు. రూ.400 కోట్లకు మించి పెట్టుబడులు పెడితే మెగా పరిశ్రమ హోదా. లీజు కాలాన్ని 33 నుంచి 99 ఏళ్లకు పెంచుతూ ఆమోదం.
– చింతలపూడి ఎత్తిపోతల పథకం కోసం నాబార్డు నుంచి రూ. 1931 కోట్ల రుణం కోసం జలవనరుల శాఖకు అనుమతి.
– ఏపీ అదనపు అడ్వొకేట్ జనరల్‌గా జాస్తి నాగభూషణం నియామకానికి ఆమోదం.
