అమెజాన్‌లో కర్రలు లభ్యం.. వారిని కొట్టేందుకే అంటూ మీమ్స్

దిశ, డైనమిక్ బ్యూరో: ప్రస్తుతం ఏది కొనాలన్నా ఆన్లైన్‌ మీదనే ఆధారపడుతున్నారు. దీంతో ఆన్లైన్ మార్కెట్ సైట్స్‌లో ఎలాంటి వస్తువునైనా సులువుగా అమ్మేస్తున్నారు. ఇందులో పిడకల నుంచి అరటి ఆకులు వరకు ఇలా ఏదైనా ఆన్లైన్ మార్కెట్‌లో అందుబాటులో ఉంటున్నాయి. ఇదే తరహాలో అమెజాన్ ఆన్లైన్ మార్కెటింగ్ సైట్‌లో కర్రలను కూడా అమ్మేస్తున్నారు. వీటిని ‘‘cane sticks for beating kids’’ పేరుతో అమ్మకానికి పెట్టారు. ఇది చూసిన నెటిజన్లు నవ్వుకుంటున్నారు. ‘పిల్లలను కొట్టేందుకు కర్రలను కూడా అమ్మేస్తున్నారుగా.. మీ దుంపతలు తెగ’ అంటూ సెటైర్లు వేస్తున్నారు. దీనిపై సోషల్ మీడియాలో మీమ్స్ కూడా వైరల్ అవుతున్నాయి. ‘‘అదేంటో చిన్నప్పుడు మ్యాథ్స్ సార్‌కు నేనంటే.. పిచ్చి.. కేన్ స్టిక్‌తో తెగ కొట్టేవాడు’’ అంటూ మీమ్స్ చేసి చిన్ననాటి జ్ఞపకాలు నెమరువేసుకుంటున్నారు.