త్రివిక్రమ్ సినిమాకు డైరెక్టర్‌గా తమిళ స్టార్..?

దిశ, వెబ్‌డెస్క్: మాటల మాంత్రికుడు త్రివిక్రమ్ డైరెక్ట్ చేసిన సినిమా అంటేనే ప్రేక్షకుల్లో అంచనాలు నెలకొంటాయి. అటువంటిది త్రివిక్రమ్ సినిమాను ఓ తమిళ స్టార్ డైరెక్ట్ చేయనున్నాడట. ప్రస్తుతం సోషల్ మీడియాలో ఎటుచూసినా ఇదే చర్చ. డైరెక్టర్‌గా వచ్చి తమిళంలో మంచి నటుడిగా పేరుతెచ్చుకున్న నటుడు సముద్రకని. అతడు త్రివిక్రమ్ బ్లాక్ బస్టర్ సినిమా ‘అలా వైకుంఠపురములో’ సినిమాలో విలన్‌గా అందరినీ మెప్పించాడు. అదే తరహాలో ‘క్రాక్‌’లోనూ ఔరా అని పించాడు. అయితే తాజాగా త్రివిక్రమ్ నిర్మించనున్న సినిమాను సముద్రకని డైరెక్ట్ చేయనున్నాడట. అది కూడా తమిళంలో తాను చేసిన ‘వినోదం చిత్తం’ సినిమా తెలుగు రీమేక్.

ఈ సినిమాలో టైమ్ అనే వ్యక్తి పాత్రలో కనిపించాడు. ఈ సినిమా ఈ ఏడాది దసరాకు ప్రేక్షకుల ముందుకు వచ్చింది. ఈ సినిమా హిట్ టాక్ అందుకోవడంతో ఈ సినిమాను తెలుగులో రీమేక్ చేయాలని నిర్ణయించుకున్నారు. ఈ రీమేక్‌ను త్రివిక్రమ్ నిర్మిస్తున్నాడన్న వార్తలతో పాటు ఇందులో మలయాళం స్టార్ మోషన్ లాల్ నటించనున్నాడని టాక్ వినిపిస్తోంది. మరో పక్క ఈ సినిమా పవర్ స్టార్ పవన్ కల్యాణ్ నటించనున్నాడని సినీ సర్కిల్స్‌లో పుకార్లు షికార్లు కొడుతున్నాయి. మరి దీనిపై త్వరలో ఏమైనా క్లారిటీ వస్తుందేమో చూడాలి.