చెర్రీ బర్త్‌డే గిఫ్ట్.. ఆర్ఆర్ఆర్ అప్‌డేట్
దర్శకధీరుడు ఎస్ఎస్ రాజమౌళి తెరకెక్కిస్తున్న భారీ ప్రాజెక్ట్ ఆర్ఆర్ఆర్. అల్లూరి సీతారామరాజుగా రామ్ చరణ్ తేజ్, కొమురం భీంగా ఎన్టీఆర్ నటిస్తున్న ఈ మల్టీస్టారర్ మూవీ నుంచి రిలీజ్ డేట్ గురించే తప్పా ఎలాంటి అప్‌డేట్స్ లేవు. దీంతో ఫ్యాన్స్ ఫీల్ అయిపోతున్నారు. అటు బాహుబలి టీంకు… బాహుబలి నిర్మాతకు కూడా ట్వీట్ చేసి… ఏదైనా అప్‌డేట్ ఇచ్చేలా చూడండని కోరారు కూడా. కానీ ఫలితం మాత్రం శూన్యం. పైగా ఫస్ట్ ఫిక్స్ చేసిన టైంకి కాకుండా మళ్లీ 2021 జనవరి 8న సినిమా విడుదల చేస్తామన్న వార్తతో అభిమానులు మరింత నిరాశ పడ్డారు.
అయితే వీటన్నిటిని బ్రేక్ చేస్తూ ఆర్ఆర్ఆర్ టీం నుంచి అప్‌డేట్ వచ్చే సూచనలు కనిపిస్తున్నాయనేది ఫిల్మ్ నగర్ టాక్. మార్చి 27 చెర్రీ బర్త్‌డే సందర్భంగా మాసివ్ అప్‌డేట్ ఇచ్చేందుకు ప్లాన్ చేస్తున్నారట జక్కన్న. అదే రోజు చెర్రీ ఫస్ట్ లుక్ లేదా ఓ వీడియో రిలీజ్ చేస్తారని సమాచారం. మోస్ట్ ప్రెస్టీజియస్ ప్రాజెక్ట్ అయిన ఆర్ఆర్ఆర్ మూవీ షూటింగ్ దాదాపు 80శాతం పూర్తయిందని తెలుస్తోంది. బాహుబలి తర్వాత జక్కన్న నుంచి వస్తున్న చిత్రం కావడంతో దేశం మొత్తం ఈ సినిమా కోసం వెయిట్ చేస్తోంది. కొమురం భీం, అల్లూరి సీతారామ రాజు కలిస్తే ఎలా ఉంటుందనే కాల్పనిక కథే ఆర్ఆర్ఆర్ సినిమా కాగా… జక్కన్న కాల్పనికత ఎలా ఉంటుందనేది తెరమీద చూడాలనే ఆసక్తితో ఉన్నారు ప్రేక్షకులు. కాగా అజయ్ దేవ్‌గన్, సముద్రఖని, అలియా భట్, శ్రీయా లాంటి స్టార్స్ సినిమాలో నటిస్తుండగా… డీవీవీ ఎంటర్టైన్మెంట్స్‌పై చిత్రాన్ని నిర్మిస్తున్నారు డీవీవీ దానయ్య.
