అందులో అదిరిపోయే యాక్షన్ సీన్స్
ఆర్ఆర్ఆర్ మూవీ ఫైనల్‌గా అప్‌డేట్ ఇచ్చింది. జనవరి 8, 2021న సినిమాను రిలీజ్ చేయబోతున్నట్లు ప్రకటించింది. బెస్ట్ ఔట్‌పుట్ ఇచ్చేందుకే ఇంత సమయం తీసుకున్నట్లు తెలిపింది. మొదట ప్రకటించిన డేట్‌కు సినిమాను విడుదల చేయలేక పోతున్నందుకు మీరు నిరాశ చెందినా వండర్ విజువల్ మూవీ చూడాలంటే కాస్త ఓపిక పట్టాలని అభిమానులను కోరారు. దీంతో ఫ్యాన్స్ హ్యాపీగా ఫీల్ అయ్యారు. మరో ఏడాది వెయిట్ చేసినా పర్లేదులే అనుకున్నారు.
అయితే ఆర్ఆర్ఆర్ మూవీకి సంబంధించి మరో ఇంట్రెస్టింగ్ అప్‌డేట్ వినిపిస్తోంది ఫిల్మ్ నగర్‌లో. యంగ్ టైగర్ ఎన్టీఆర్ కొమురం భీంగా, మెగా పవర్‌స్టార్ రామ్‌చరణ్ తేజ్ అల్లూరి సీతారామరాజుగా నటిస్తున్న సినిమా భారీ బడ్జెట్‌తో తెరకెక్కుతోంది. బాహుబలి తర్వాత దర్శకుడు రాజమౌళి నుంచి వచ్చే సినిమా ఇదే కావడంతో అంతకుమించి యాక్షన్ సీక్వెన్స్ లు ఉండేలా ప్లాన్ చేశాడట జక్కన్న. పాన్ ఇండియా మూవీగా వస్తున్న ఆర్ఆర్ఆర్ యాక్షన్ బ్లాక్స్ థియేటర్లలో ప్రేక్షకులను మెస్మరైజ్ చేయనున్నాయట.
ఆర్ఆర్ఆర్‌లో మూడు యాక్షన్ బ్లాక్స్ ఉంటాయని ఇండస్ట్రీ టాక్. చిన్నారిని కాపాడేందుకు అడవిలో నక్కలతో చేసే ఫైట్‌తో ఎన్టీఆర్ ఇంట్రడక్షన్ అద్భుతంగా ఉండనుందట. ఇక ఇంటర్వెల్‌లో ఎన్టీఆర్, రామ్‌చరణ్‌లు కలిసి స్వాతంత్ర్యోద్యమాన్ని షురూ చేయగా ప్రీ క్లైమాక్స్ ఫైట్ అదిరిపోనుందట. తారక్, చెర్రీలు ఆంగ్లేయుల కోటను కూల్చేందుకు ప్రయత్నించే యాక్షన్ బ్లాక్ సినిమాకే హైలెట్ కానుందట. అయితే రామ్ చరణ్‌కు సోలో యాక్షన్ బ్లాక్ లేకపోవడం మెగా ఫ్యాన్స్ ను నిరాశపరిచేలా ఉంది. కానీ… సినిమాలో తారక్, చెర్రీల పాత్రలకు జక్కన్న సమన్యాయం చేస్తాడని అభిప్రాయపడుతున్నారు విశ్లేషకులు.
