57 ఏండ్ల పెన్షన్కు దరఖాస్తుల స్వీకరణ
దిశ, తెలంగాణ బ్యూరో : రాష్ట్రంలో 57 ఏండ్లు దాటిన వారికి వృద్ధాప్య పెన్షన్లు జారీ చేసే ప్రక్రియ మొదైలంది. ఆసరా పెన్షన్లలో భాగంగా 65 ఏండ్ల నుంచి 57 ఏండ్లకు వయోపరిమితిని తగ్గించిన ప్రభుత్వం.. దానిని అనుసరించి అర్హులను ఎంపిక చేయనున్నారు. దీని కోసం ఈ నెలాఖరు వరకు మీ సేవా, ఈ సేవా కేంద్రాల్లో దరఖాస్తు చేసుకోవాలని రాష్ట్ర ప్రభుత్వం ఆదేశించింది. ఈ మేరకు పంచాయతీ రాజ్ శాఖ నుంచి ఉత్తర్వులు జారీ చేశారు. 57 ఏండ్ల పెన్షన్కు అర్హత పొందే లబ్ధిదారుల ఎంపిక కోసం దరఖాస్తులను స్వీకరించాలని, తక్షణమే ఈ ప్రక్రియ ప్రారంభం కావాలని జిల్లా కలెక్టర్లు, జీహెచ్ఎంసీ కమిషనర్కు పంచాయతీ రాజ్, గ్రామీణాభివృద్ధి శాఖ కార్యదర్శి సందీప్ కుమార్ సుల్తానియా ఆదేశాలిచ్చారు.
57 ఏండ్ల వయోపరిమితి మేరకు లబ్ధిదారుల ఎంపికలో పాటించాల్సిన ప్రమాణాలను ఉత్తర్వుల్లో పేర్కొన్నారు. జీఓ 75 ప్రకారం పుట్టిన తేదీ ధ్రువీకరణ, ఓటర్ కార్డు, ఆధార్కార్డు తదితర పత్రాలను దరఖాస్తుతో పాటు జత చేయాల్సి ఉంటోంది. అయితే ఈ దరఖాస్తుల కోసం ఈ సేవ, మీ సేవల్లో సేవల రుసుములు తీసుకోవద్దని, సంబంధిత రుసుములు ప్రభుత్వమే చెల్లిస్తుందని ఉత్తర్వుల్లో పేర్కొన్నారు.
