నా పని నన్ను చేసుకోనివ్వండి : రానా

దిశ, వెబ్‌డెస్క్ : హీరో రానాకు కేవలం తెలుగులోనే కాదు బాలీవుడ్, కోలీవుడ్‌, శాండల్ వుడ్‌లోనూ మంచి గుర్తింపు ఉంది. ఈ క్రమంలో ముంబైకి చెందిన ఓ వార్తా పత్రిక తన గురించి ఫేక్ న్యూస్ రాయడంపై మండిపడ్డారు. మీటూ టైంలో లైంగిక వేధింపులు ఎదుర్కొన్న అనిర్బన్ బ్లాతో కలిసి లంచ్ చేశారని… తనకు ఇలా సపోర్ట్ చేస్తున్నారని న్యూస్ రాశారు. దీంతో నెటిజన్లు రానాను విమర్శిస్తూ ట్వీట్ చేశారు.

దీంతో సదరు పత్రికపై మండిపడ్డ రానా.. నేను ఆ టైంలో ఎక్కడున్నాను? మీరు ఏం న్యూస్ రాశారు? అంటూ కడిగిపారేశాడు. మీకు ఏదైనా సమాధానం కావాలంటే నాకు కాల్ చేయొచ్చు లేదా నా టీంను సంప్రదించొచ్చు.. ఇలాంటి ఫేక్ న్యూస్ రాయొద్దు అంటూ ఆ రోజు ఎక్కడున్నాడో డీటేల్స్ పెట్టాడు రానా. దీంతో ఆ పత్రికా సంస్థ తన తప్పును సరిదిద్దుకుంటున్నట్లు మరో న్యూస్ ప్రచురించింది. రానాను అనిర్బన్ బ్లా లంచ్‌కు ఇన్వైట్ చేసినా… తాను వెళ్లలేదని న్యూస్ రాశారు. దీంతో చిర్రెత్తిన రానా.. మీ తప్పును కవర్ చేసుకునేందుకు ఇలాంటి పిచ్చి రాతలు రాయొద్దని హెచ్చరించాడు. డిన్నర్ షెడ్యూల్ చేసుకుని వెళ్లనట్లు రాయడం సమంజసం కాదని… మీ రాసిన న్యూస్‌కు సిగ్గుపడుతున్నానని జర్నలిస్ట్‌ను విమర్శించారు. మీ పని మీరు చేసుకుంటే నా పని నేను చేసుకుంటా అని.. ఇలాంటి న్యూస్ మాత్రం రాయొద్దని సూచించాడు.

Tags: Rana, Mumbai Paper, Tollywood, Bollywood