నేత్రదానం చేస్తున్నందుకు గర్వపడుతున్నా : రాశీ ఖన్నా

దిశ, వెబ్‌డెస్క్: హీరోయిన్ రాశీ ఖన్నా తెలుగు, తమిళ సినీ రంగంలో బిజీ హీరోయిన్. ఊహలు గుసగులాడే సినిమాతో పరిచయమైన ఈ భామ .. తొలి సినిమాతోనే మంచి గుర్తింపు తెచ్చుకుంది. అందంలో తనకు తానే సాటి అనిపించుకున్న రాశీ… ఇతరులకు సాయం చేయడంలోనూ ముందుంటుంది. మంచు లక్ష్మీ ప్రసన్న నేను సైతం షో ద్వారా రాశీ హెల్పింగ్ నేచర్ గురించి దాదాపు తెలుగు ప్రజల అందరికి తెలిసి ఉంటుంది. సామాజిక సేవ కార్యక్రమాల్లోనూ పాల్గొనే రాశీ ఖన్నా… గురువారం డాక్టర్ అగర్వాల్ ఐ హాస్పిటల్ ప్రారంభోత్సవ కార్యక్రమంలో పాల్గొన్నారు. డేర్ టు స్టేర్ క్యాంపెయిన్‌లో పాల్గొన్న ఆమె… నేత్రదానం గురించి అవగాహన కల్పించడం సంతోషంగా ఉందన్నారు. ఈ సందర్భంగా నేత్రదానం చేస్తున్నట్లు ప్రకటించింది. నేత్రదానం చేస్తున్నందుకు గర్వపడుతున్నానని… ప్రతీ ఒక్కరు ముందుకు రావాలని కోరింది.

Tags: Raashi Khanna, Eye Donar, Eye Donation Camp, DaretoStare