బన్నీ ఫ్యాన్స్‌కు షాక్.. అక్కడ పుష్ప రిలీజ్ పోస్ట్ పోన్.. కారణం ఇదే!

దిశ, వెబ్‌డెస్క్: ఐకాన్ స్టార్ అల్లు అర్జున్ తాజా సినిమా ‘పుష్ప’ కోసం ప్రపంచవ్యాప్తంగా అభిమనులంతా ఆసక్తిగా ఎదురుచూస్తున్న విషయం తెలిసిందే. అయితే ఈ సినిమా డిసెంబర్ 17న ప్రపంచవ్యాప్తంగా ప్రేక్షకుల ముందుకు వచ్చేందుకు ముస్తాబవుతోంది. దీంతో ప్రేక్షకుల అందరి దృష్టి డిసెంబర్ 17పై ఉండగా.. మూవీ మేకర్స్ షాకింగ్ అనౌన్స్‌మెంట్ చేశారు. ఓ కంట్రీలో మాత్రం పుష్ప సినిమా అనుకున్న సమయానికి రావడం లేదు. ఈ సినిమా డిసెంబర్ 23న విడుదల కానుందని టీమ్ అనౌన్స్ చేసింది.

‘పుష్ప’ సినిమా పోస్ట్ ప్రొడక్షన్ పనులు ఇంకా పూర్తి కాలేదని, అందుకే సింగపూర్‌లో సినిమా విడుదలను పోస్ట్ పోన్ చేస్తున్నామని మేకర్స్ చెప్పుకొచ్చారు. సింగపూర్‌లో డిసెంబర్ 17 విడుదల కావాల్సిన సినిమాను పోస్ట్ ప్రొడక్షన్ పనుల కారణంగా 23కి పోస్ట్‌పోన్ చేశారు. ఇక మిగతా దేశాల్లో మాత్రం అనుకున్న సమయానికే రిలీజ్ అవుతుందని తెలిపారు. దీంతో అక్కడి అభిమానులు నిరాశ చెందుతున్నారు. కానీ వారికి ఓ స్పెషల్ ట్రీట్ ఇవ్వనున్నారని వార్తలు వినిపిస్తున్నాయి. మరి ఆ స్పెషల్ ట్రీట్ ఏంటో చూడాలి.

బన్నీ సినిమాకు కష్టాలు.. బాయ్‌కాట్ అంటూ సినీ లవర్స్ డిమాండ్