ఆ ఎపిసోడ్ నా కెరియర్‌ను మార్చేసింది : ప్రియాంక
దిశ, సినిమా : హీరోయిన్ ప్రియాంక చోప్రా 2003లో బాలీవుడ్‌కు ఎంట్రీ ఇవ్వగా.. తను నటించిన ‘ది హీరో : లవ్ స్టోరీ ఆఫ్ పై’, ‘అందాజ్’ సినిమాలు ఒకే టైమ్‌లో విడుదలై సక్సెస్ సాధించాయి. కాగా ప్రియాంక రీసెంట్ ఇంటర్వ్యూలో ‘అందాజ్’ సెట్‌లో జరిగిన ఓ ఇన్సిడెంట్ తన కెరియర్‌ను ఎలా మార్చేసిందో తెలిపింది. కొరియోగ్రాఫర్ రాజా ఖాన్ ఓ పాట కొరియోగ్రఫీ చేస్తున్న సమయంలో తను సరిగ్గా డ్యాన్స్ చేయలేదని, దీంతో ‘మిస్ వరల్డ్ అయినంత మాత్రాన డ్యాన్స్ చేయగలరని అనుకోకండి. వర్క్ రిపోర్ట్ చేసే ముందు నేర్చుకోవాలి’ అని సూచించారని తెలిపింది. ఈ ఎపిసోడ్ తన కెరియర్‌కు గట్టి పునాది వేసిందని, ఆసక్తి మరియు ప్రొఫెషన్‌కు మధ్య వ్యత్యాసం అర్థమవడంతో పాటు ఒక పని చేసే ముందు ఎలా సిద్ధం కావాలో నేర్పిందని చెప్పింది. ఈ ఎక్స్‌పీరియన్స్‌తో ప్రతీ సెట్‌కు వెళ్లే ముందు శ్రద్ధగా ప్రిపేరై వెళ్లడం స్టార్ట్ చేశానని తెలిపింది.
