భారత్‌లో టెన్షన్ టెన్షన్!

దిశ, వెబ్ డెస్క్: దేశంలో రోజురోజుకూ కరోనా వైరస్ తీవ్ర స్థాయిలో విజృంభిస్తోన్నది. దాని ప్రభావానికి ప్రజలు అల్లాడిపోతున్నారు. గత కొద్ది రోజుల నుంచి ప్రతి రోజూ వేల సంఖ్యలో కేసులు నమోదవుతున్నాయి. గడిచిన 24 గంటల్లో దేశవ్యాప్తంగా 13,586 కొత్త కేసులు నమోదు అవగా 336 మంది బాధితులు మృతి చెందారు. దీంతో ఇప్పటి వరకు దేశవ్యాప్తంగా కరోనా కేసుల సంఖ్య 3 లక్షల 80,532 కు చేరుకుంది. ఇందులో 2 లక్షల 4,710 మంది బాధితులు ఆస్పత్రుల నుంచి డిశ్చార్జ్ అయ్యారు. లక్షా 63 వేల 248 మంది బాధితులు ఆస్పత్రుల్లో చికిత్స పొందుతున్నారు. కరోనా మృతుల సంఖ్య 12,573 కు పెరిగింది.