అందరూ అప్రమత్తంగా ఉండండి : సీఎం కేసీఆర్
దిశ, తెలంగాణ బ్యూరో : భారీ వర్షాల కారణంగా ఎస్సారెస్పీ ఎగువ నుంచి గోదావరి నదీ పరీవాహక ప్రాంతాల్లో వరద ఉధృతి పెరుగుతున్నందున యుద్ధ ప్రాతిపదికన ముందస్తు జాగ్రత్త చర్యలు తీసుకోవాల్సిందిగా ప్రజాప్రతినిధులను, ప్రభుత్వ ఉన్నతాధికారులను సీఎం కేసీఆర్ ఆదేశించారు. గురువారం ట్విట్టర్ వేదికగా ఆదేశించారు. భారీ వర్షాలు ఉన్నందున ఎస్‌ఆర్‌ఎస్‌పీకి వరద పెరిగే అవకాశం ఉందని, దిగువ ప్రాంతాల్లో ప్రజలను అప్రమత్తం చేయాలని అధికారులకు సూచించారు.
గోదావరి, కృష్ణ నదీ పరివాహక ప్రాంతాల్లో రాష్ట్రంతోపాటు ఎగువ ప్రాంతాల్లో భారీ వర్షాలు కురుస్తున్నందున.. ఆయా రాష్ట్రాల ప్రభుత్వాలు ప్రాజెక్టుల గేట్లు ఎత్తే అవకాశం ఉందని తెలిపారు. నది పరివాహక ప్రాంతాల్లోని ప్రజలు బయటకు రావద్దని ఇళ్లలోనే ఉండడమే క్షేమమని సీఎం కోరారు. రానున్న రెండు రోజుల్లో ఎంతో భారీ వర్షాలు కురిసే అవకాశం ఉన్నందున ప్రజలు అత్యంత అప్రమత్తంగా ఉండాలని ఎవరి జాగ్రత్తలు వాళ్ళు తీసుకోవాలని పిలుపునిచ్చారు.
ఈ ప్రాంతాల్లోని ప్రజలు కూడా బయటకు వెళ్లకుండా ఇండ్లల్లో ఉండడమే క్షేమమని సీఎం సూచించారు. రానున్న రెండు రోజులు అత్యంత భారీ స్థాయిలో వర్షాలు కురిసే పరిస్థితిల్లో ప్రజలు అత్యంత అప్రమత్తంగా వుంటూ ఎవరి జాగ్రత్తలు వాళ్లు తీసుకోవాలని సీఎం పిలుపునిచ్చారు.
— Telangana CMO (@TelanganaCMO) July 22, 2021
గోదావరి, కృష్ణా నదీ పరీవాహక ప్రాంతాల్లో మన రాష్ట్రంతో పాటు ఎగువ రాష్ట్రాల్లో కూడా భారీ వర్షాలు కురుస్తున్నాయి, ఆయా రాష్ట్రాల వాళ్లు అన్ని ప్రాజెక్టుల గేట్లు ఎత్తుతున్నారు, తెలంగాణలోకి వరద ఉధృతి పెరగనున్నందున నదీ పరీవాహక ప్రాంతాల్లోని ప్రజా ప్రతినిధులు అప్రమత్తంగా ఉండాలి: సీఎం
— Telangana CMO (@TelanganaCMO) July 22, 2021
