నా తల్లిని కిడ్నాప్ చేశారు : నటి మీరా

దిశ, సినిమా : పాకిస్థాన్ నటి మీరా తల్లి కిడ్నాప్‌‌కు గురైంది. కాగా ఈ విషయంలో తక్షణమే హెల్ప్ చేయాలంటూ ఆ దేశ ప్రధాని ఇమ్రాన్ ఖాన్‌ను కోరుతూ లేఖ రాసింది మీరా. తమ ఫ్యామిలీకి చెందిన ప్రాపర్టీని అక్రమంగా స్వాధీనం చేసుకునేందుకు ప్రయత్నిస్తున్న ఓ భూకబ్జాదారు తన తల్లిని కిడ్నాప్ చేసినట్టు ఆరోపించిన మీరా.. అతని పేరు ‘మియాన్ షాహిద్ మహమూద్’ అని వెల్లడించింది.

తమ ప్రాపర్టీలో మొదట అద్దెకు ఉండేందుకు అంగీకరించిన సదరు వ్యక్తి.. ఆ తర్వాత ఆస్తిని అక్రమంగా కాజేసేందుకు ట్రై చేస్తున్నట్టు చెప్పింది. ఈ క్రమంలోనే మీరా తల్లిని కిడ్నాప్ చేయగా.. లాహోర్‌లోని సీసీపీఓకు ఫిర్యాదు చేసింది. అంతేకాదు ఈ సమస్యను పరిష్కరించేందుకు పాకిస్థాన్ ప్రధాని ఇమ్రాన్ ఖాన్‌‌ జోక్యం చేసుకోవాలని కోరింది. తన కెరియర్ మొత్తాన్ని దేశం కోసం ధారబోశానని, ఇప్పుడు తన ప్రాపర్టీని కబ్జాదారుల నుంచి కాపాడేందుకు ప్రభుత్వ స్పందన కోసం ఎదురుచూస్తున్నానని తెలిపింది.