పవన్ కోసం పాదయాత్ర.. వయా పార్టీ ఆఫీస్

దిశ నెల్లికుదురు: సినీ హీరో, జనసేన పార్టీ అధినేత పవన్ కళ్యాణ్ కోసం పాదయాత్ర నిర్వహిస్తున్నట్లు ఏలేటి రాజశేఖర రెడ్డి తెలిపారు. మంగళవారం మండల కేంద్రంలో తన ఇంటి నుండి పాదయాత్ర మొదలు పెట్టాడు. ఈ సందర్భంగా రాజశేఖర్ రెడ్డి మాట్లాడుతూ.. పోసాని కృష్ణమురళి వ్యాఖ్యలను తీవ్రంగా వ్యతిరేకిస్తూ పవన్ కళ్యాణ్ కోసం నెల్లికుదురు నుండి హైదరాబాదులోని ఆయన ఇంటి వరకు, తర్వాత జనసేన పార్టీ కార్యాలయం వరకు పాదయాత్ర చేస్తున్నానని తెలిపారు. ఈ కార్యక్రమంలో భూక్య సోమన్న, జొన్నలగడ్డ తిరుమల్ రెడ్డి , శ్రీశైలం, రాజు తదితరులు పాల్గొన్నారు.