పాకిస్తాన్‌పై న్యూజీలాండ్ అద్భుత విజయం
దిశ, స్పోర్ట్స్ : న్యూజీలాండ్ పర్యటనకు వెళ్లిన పాకిస్తాన్ జట్టు పరాజయాలు కొనసాగుతున్నాయి. తాజాగా మౌంట్ మాంగ్‌నోయ్‌లో జరిగిన తొలి టెస్టులో న్యూజీలాండ్ 101 పరుగుల తేడాతో పాకిస్తాన్‌పై గెలిచింది. కివీస్ జట్టు పాకిస్తాన్‌కు 373 పరుగుల విజయలక్ష్యాన్ని నిర్దేశించింది. 71/3 ఓవర్ నైట్ స్కోర్‌తో బ్యాటింగ్ ప్రారంభించిన పాకిస్తాన్ జట్టును ఫవాద్ అలామ్ (102), కెప్టెన్ మహ్మద్ రిజ్వాన్ (60) మ్యాచ్‌ను డ్రా దిశగా తీసుకొని వెళ్లారు. వీరిద్దరూ కలసి 5వ వికెట్‌కు 165 పరుగుల భాగస్వామ్యాన్ని అందించారు. అయితే జేమిసన్ బౌలింగ్‌లో రిజ్వాన్ అవుటైన తర్వాత వరుసగా వికెట్లు పడిపోయాయి. కేవలం 31 పరుగుల తేడాలో 5 వికెట్లు కోల్పోయిన పాకిస్తాన్ జట్టు 271 పరుగులకు ఆలౌట్ అయ్యింది. దీంతో కివీస్ జట్టుకు 101 పరుగుల విజయం లభించింది. సెంచరీతో జట్టును ఆదుకున్న కెప్టెన్ కేన్ విలియమ్‌సన్‌కు మ్యాచ్ ఆఫ్ ది మ్యాచ్ అవార్డు లభించింది.
