ఆరోగ్యం పంచుతున్న కేంద్ర ఆరోగ్య శాఖ మంత్రి!

దిశ, డైనమిక్ బ్యూరో: ఆంధ్రప్రదేశ్ లో చంద్రబాబు నాయడు ప్రమాణస్వీకారం సందర్భంగా ఓ ఆసక్తికర పరిణామం చోటు చేసుకుంది. ఇందులో ఇటీవలే కేంద్ర మంత్రులుగా ప్రమాణ స్వీకారం చేసిన జేపీ నడ్డా, నితిన్ గడ్కరీ ల మధ్య సరదా సంఘటన సోషల్ మీడియాలో తెగ వైరల్ అవుతోంది. ఆంధ్రప్రదేశ్ సీఎం గా నేడు చంద్రబాబు నాయడు ప్రమాణ స్వీకారం చేశారు. ఈ కార్యక్రమానికి ప్రధాని మోడీ తో సహా పలువురు కేంద్ర మంత్రులు, పలు రాష్ట్రాల రాజకీయ నాయకులు, సినీ ప్రముఖులు హజరయ్యారు. వీరిలో కేంద్ర ఆరోగ్య శాఖ మంత్రి జేపీ నడ్డా, రవాణా శాఖ మంత్రి నితిన్ గడ్కరీ స్టేజీ పై ఒకరినొకరు పలకిరించుకొని పక్కపక్కనే కూర్చున్నారు.

సభ కొనసాగుతుండగా.. మధ్యలో జేపీ నడ్డా తన జేబులోనుండి ఓ డబ్బా తీసి మౌత్ ఫ్రెఫ్‌నర్ లాంటిది చేతిలో వేసుకున్నారు. పక్కనే ఉన్న గడ్కరీని తీసుకొమ్మని సూచించారు. దీంతో ఆయన కొంత తీసుకొని ఇక చాలు అని నమస్కారం పెట్టారు. ఈ సంఘటనకు సంబందించిన వీడియో సోషల్ మీడియాలో వైరల్ గా మారింది. దీనిపై నెటిజన్లు స్పందిస్తూ.. జేపీ నడ్డా గారు తినేది యోగి కాంతిక గొంతు ఉపశమనానికి చెందిన మాత్రలు అని, ఆరోగ్య శాఖ మంత్రి గారు ఆరోగ్యం పంచుతున్నారు అని, లేదు ఆయన పంచుకునేది పలుకులలో కేసరి అని ఫన్నీ కామెంట్లు పెడుతున్నారు.