షూస్ కొట్టేసిన స్విగ్గీ డెలివరీ బాయ్.. సోనూ సూద్ హార్ట్ టచింగ్ ట్వీట్

దిశ, వెబ్‌డెస్క్: ఫుడ్ డెలివరీ చేసేందుకు వచ్చిన స్విగ్గీ డెలివరీ బాయ్ షూస్ ఎత్తుకెళ్లిన వీడియో సోషల్ మీడియాలో వైరల్ అయిన విషయం తెలిసిందే. దీనిపై నెటిజన్లు పలురకాలుగా స్పందించారు. కోట్లు కొట్టేస్తున్న రాజకీయ నాయకులను వదిలేసి ఇలాంటి వాటిని దయచేసి ఫోకస్ చేయకండంటూ కామెంట్లు పెడుతున్నారు. ఇక, తాజాగా ఈ ఘటనపై ప్రముఖ నటుడు సోనూసూద్ ట్విట్టర్ వేదికగా హార్ట్ టచింగ్ ట్వీట్ చేశారు. ‘ఒక వేళ స్విగ్గీ డెలివరీ బాయ్ ఫుడ్ డెలివరీ చేసే సమయంలో షూస్ దొంగిలిస్తే.. అతనిపై ఎలాంటి చర్యలు తీసుకోకండి.. దానికి బదులుగా అతనికి ఓ కొత్త షూస్ జత కొనివ్వండి.. అతనికి అవి రియల్ గా అవసరం కావొచ్చు.. బీ కైండ్’ అంటూ ట్వీట్ చేశారు. ప్రస్తుతం సోనూసూద్ ట్వీట్ సోషల్ మీడియాలో వైరల్ అవుతోంది.