బిగ్ బ్రేకింగ్ న్యూస్.. పట్టాలు తప్పిన సికింద్రాబాద్-షాలిమార్ ఎక్స్‌ప్రెస్

దిశ, వెబ్ డెస్క్: ఈ మధ్యకాలంలో దేశంలో నిత్యం ఎక్కడో ఒక చోటు రైలు ప్రమాద(train accident) ఘటనలు చోటు చేసుకుంటునే ఉన్నాయి. ప్రమాదాలకు సరైన కారణాలు బయట పడకపోయినప్పటికి, పలువురి నిర్లక్ష్యం, దుండగుల దుశ్చర్య వల్ల రైలు ప్రమాదాలు జరుగుతున్నాయి. తాజాగా ఇలాంటి ఘటనే బెంగాల్(Bengal)లోని నవాల్‌పూర్ రైల్వేస్టేషన్ సమీపంలో చోటు చేసుకుంది. సికింద్రాబాద్-షాలిమార్ ఎక్స్‌ప్రెస్ (Secunderabad-Shalimar Express) పట్టాలు తప్పడంతో రెండు కోచ్ లు పక్కకు ఓరిగాయి. ఒక్కసారిగా బ్రేక్ వేయడంతో పలువురికి గాయాలైనట్లు తెలుస్తోంది. కాగా ఈ ప్రమాదం ఎలా జరిగిందనే దానిపై వివరాలు తెలియలేదు. ఈ ప్రమాద సమాచారం అందుకున్న పోలీసులు, రైల్వే సిబ్బంది హుటాహుటిన సంఘటనా స్థలానికి చేరుకుని సహాయక చర్యలు చేపడుతున్నారు.