BREAKING: తమిళనాడు రాజకీయాల్లో సంచలనం.. బీఎస్పీ చీఫ్ ఆర్మ్‌స్ట్రాంగ్ దారుణ హత్య

దిశ, వెబ్‌డెస్క్: తమిళనాడులో సంచలన ఘటన చోటుచేసుకుంది. బహుజన్ సమాజ్ పార్టీ (బీఎస్పీ) తమిళనాడు అధ్యక్షుడు ఆర్మ్‌స్ట్రాంగ్‌ శుక్రవారం రాత్రి దారుణ హత్యకు గురయ్యారు. ఈ దాడిలో తీవ్రంగా గాయపడిన ఆర్మ్‌స్ట్రాంగ్ ఆసుపత్రిలో చికిత్స పొందుతూ తుది శ్వాస విడిచారు. ఆయనతో పాటు ఉన్న మరో ఇద్దరు అనుచరులు కూడా గాయపడ్డారు. చెన్నైలోని పెరంబూర్ ప్రాంతంలోని ఆయన నివాసం ఉంటుండగా ఫుడ్ డెలివరీ బాయ్స్‌గా వచ్చిన ఆరుగురు దుండగులు ఈ దారుణానికి ఒడిగట్టినట్లుగా తెలుస్తోంది. దాడికి సంబంధించిన విజువల్స్ సమీపంలోని సీసీ కెమెరాలో రికార్టు అయినట్లుగా పోలీసులు తెలిపారు. హత్య వెనుక ప్రత్యర్థుల అసలు ఉద్దేశ్యం ఏమిటో తేల్చేందుకు పోలీసులు రంగంలోకి దిగారు. నిందితులను గాలించేందుకు 10 ప్రత్యేక బృందాలు గాలిస్తున్నాయి.