కొత్త ప్రాజెక్ట్ స్టార్ట్ చేసిన నాగ్

దిశ, సినిమా : కింగ్ నాగార్జున బాలీవుడ్ ప్రాజెక్ట్ ‘బ్రహ్మాస్త్ర’ పూర్తిచేసిన వెంటనే మరో టాలీవుడ్ ప్రాజెక్ట్‌కు శ్రీకారం చుట్టారు. ప్రవీణ్ సత్తారు దర్శకత్వంలో స్టైలిష్ యాక్షన్ ఫిల్మ్‌‌ను లాంచ్ చేశారు. సికింద్రాబాద్ శ్రీ గణపతి దేవస్థానంలో పూజాకార్యక్రమాలు జరగగా.. తెలంగాణ సినిమాటోగ్రఫీ మినిస్టర్ తలసాని శ్రీనివాస్ యాదవ్ ముహూర్తపు సన్నివేశానికి క్లాప్ కొట్టగా, లీడింగ్ ఎగ్జిబిటర్ సదానంద గౌడ కెమెరా స్విచాన్ చేశారు. శ్రీ వేంకటేశ్వర సినిమాస్ ఎల్ఎల్‌పీ, నార్త్ స్టార్ ఎంటర్‌టైన్‌మెంట్ ప్రైవేట్ లిమిటెడ్ నిర్మిస్తున్న ఈ సినిమా షూటింగ్ హైదరాబాద్‌లోనే పది రోజుల పాటు జరుగుతుందని తెలిపారు మేకర్స్. ఆ తర్వాత మార్చిలో 15 రోజుల పాటు గోవాలో షూటింగ్ ప్లాన్ చేశామని.. ఆ తర్వాత ఊటీ, లండన్‌, సౌత్ కొరియాలోని పలు ప్రదేశాల్లో చిత్రీకరణ జరుగుతుందని చెప్పారు. త్వరలోనే మిగతా కాస్ట్ అండ్ క్రూ వివరాలను వెల్లడిస్తామన్నారు.