ఆ సీఐ పై విచారణ జరిపి చర్యలు తీసుకోండి : ఎంపీ అర్వింద్

దిశ ప్రతినిధి, నిజామాబాద్: నిజామాబాద్ పార్లమెంట్ సభ్యులు ధర్మపూరి అర్వింద్ నగర నార్త్ సీఐ శ్రీనాధ్ రెడ్డిపై విచారణ జరిపి చర్యలు తీసుకోవాలని జిల్లా కలెక్టర్‌కు లేఖ రాశారు. బుధవారం పట్టణంలో ఓ యువకుడు ద్విచక్ర వాహనంపై వెళుతున్నాడు. అదే సమయంలో అక్కడ విధులు నిర్వహిస్తున్న నార్త్ సీఐ శ్రీనాధ్ రెడ్డి అతని వాహనంపై ఉన్న కాషాయ జెండాను బలవంతంగా తీయించారని ఫిర్యాదులో పేర్కొన్నారు.

నగర పోలీసులు ఇప్పటికే చాలాసార్లు నిబంధనల ఉల్లంఘనకు పాల్పడ్డారని, బుధవారం దేశం మొత్తం రామ జన్మభూమి సంబురాల్లో మునిగిపోగా సీఐ మాత్రం కాషాయ జెండాను తొలగించారన్నారు. ఆ ఘటనపై విచారణ జరిపి చర్యలు తీసుకోవాలని ఎంపీ అర్వింద్ కలెక్టర్‌కు రాసిన లేఖలో తెలిపారు.