మృణాల్ ఠాకూర్‌తో కలిసి విజయ్ దేవర కొండ దీపావళి సెలబ్రేషన్స్.. ఫ్యాన్స్ ఫిదా

దిశ, వెబ్‌డెస్క్: టాలీవుడ్ యంగ్ హీరో విజయ్ దేవరకొండ, మృణాల్ ఠాకూర్ కలిసి నటిస్తున్న తాజా చిత్రం ‘ఫ్యామిలీ స్టార్’. దీనిని డైరెక్టర్ పరుశురాం తెరకెక్కిస్తున్నాడు. ప్రస్తుతం ఈ మూవీ చిత్రీకరణ దశలో ఉంది. సంక్రాంతికి రిలీజ్ అయ్యేందుకు శరవేగంగా షూటింగ్ జరుపుకుంటుంది. ఈ సినిమా నుంచి ఇప్పటికే విడుదలైన ఫస్ట్ గ్లింప్స్ సోషల్ మీడియాలో భారీ హైప్‌ను క్రియేట్ చేశాయి. అలాగే అందులోని డైలాగ్ ట్విట్టర్‌లో ఇప్పటికీ ట్రెండింగ్‌లో ఉంది. తాజాగా, విజయ్ దేవరకొండ దీపావళి శుభాకాంక్షలు తెలుపుతూ ఓ పోస్టర్ రిలీజ్ చేశాడు. ఆ పిక్ లో విజయ్, మృణాల్ తో కలిసి దీపావళి సెలబ్రేషన్స్ చేసుకుంటూ కనిపించారు. ఈ ఫోటో ఫ్యామిలీ స్టార్ సినిమాలోనే స్టిల్. ఈ పోస్టర్ అభిమానులను ఆకట్టుకుంటుంది. విజయ్ తండ్రి, భర్తగా ఒక మిడిల్ క్లాస్ వ్యక్తిగా సరికొత్త పాత్రలో కనిపించబోతున్నారు. వచ్చే ఏడాది సంక్రాంతికి ఈ సినిమాని రిలీజ్ చేయడానికి నిర్మాతలు ప్రయత్నిస్తున్నారు.