లిక్కర్‌తో వేణుస్వామి పూజలు.. సినిమా అవకాశాల కోసం ఏకంగా మందు తాగిన స్టార్ హీరోయిన్
దిశ, సినిమా: తరచూ ప్రముఖ రాజకీయ నాయకులపై, సెలబ్రిటీలపై జోస్యం చెబుతూ వార్తల్లో నిలుస్తాడు ప్రముఖ జ్యోతిష్యుడు వేణుస్వామి. ఈయన చెప్పిన జాతకాలు పలు హీరోల, హీరోయిన్ల విషయంలో నిజం కావడంతో వేణుస్వామి ఏం చెప్పిన ఫ్యాన్స్ ఆందోళన చెందుతుంటారు. గతంలో టాలీవుడ్ స్టార్ హీరోయిన్ సమంత అండ అక్కినేని నాగచైతన్య డివోర్స్ తీసుకుంటారని చెప్పాడు. వీరిద్దరు నిజంగానే విడాకులు తీసుకోవడంతో ఇండస్ట్రీలో వేణు స్వామికి డిమాండ్ పెరిగిపోయింది.
ఇక పాన్ ఇండియా స్టార్ ప్రభాస్ పై కూడా తరచూ కామెంట్స్ చేస్తుంటాడు. పెళ్లి గురించి, హెల్త్ ఇష్యూస్, సినిమా ఫ్లాప్, హిట్లు ఇలా రెబల్ స్టార్ ఫ్యాన్స్‌ను ఆగం చేస్తుంటాడు. ఇకపోతే పలు హీరోయిన్లు వేణు స్వామి దగ్గర సినిమా అవకాశాల కోసం పూజలు చేయించుకుంటోన్న విషయం తెలిసిందే. ఇప్పటికే నిధి అగర్వాల్, డింపుల్ హయాతి, రష్మిక మందన్న, ఇనయ సుల్తానా, అషురెడ్డి ఈ జ్యోతిష్యుడి దగ్గర పూజలు చేయించుకున్నారు.
తాజాగా డింపుల్ హయాతి మరోసారి వేణుస్వామితో పూజలు చేయించుకుంది. ఈ పూజలో వేణుస్వామి డిఫరెంట్ గా వైన్ బాటిల్స్ తో పూజ జరిపించి.. సోషల్ మీడియాలోని జనాలను ఆశ్యర్యపరుస్తున్నాడు. ‘‘ఇదో రకం పూజ అని ఇందులో తీర్థం ఉండదని లిక్కర్ ఉంటుందని, ఎవరు ఏ మందు తాగితే దాన్నే పూజలో పెడతానని, అది తాగకపోతే కూల్ డ్రింక్ పెడతానని చెప్పుకొచ్చాడు.
ఎక్కడైనా పూజలో తీర్థం నీళ్లు పోసి ఇస్తారు. కానీ నేను మాత్రం పూజలో నీళ్లలో మందు కలిపి ఇస్తాను. నేను చేసే వామాచార పూజలు బాగాలమ్మకు, రాజ శ్యామల, తార, చిన్నమస్త ఇలా ప్రతి ఒక్క పూజకు కూడా నేను లిక్కర్ నే పెడతాను. నేను లిక్కర్ నే ప్రసాదంగా ఇస్తాను. అందరికీ కనిపించేలానే పెడతాను. దొంగచాటున కూడా ఏం పెట్టను. అని వేణుస్వామి వెల్లడించాడు.
ఇక పూజ కంప్లీట్ అయ్యాక హీరోయిన్ డింపుల్ హయాతి కూడా వేణుస్వామి ఇచ్చిన మందు తాగుతుంది. ఈ వీడియో చూసిన నెటిజన్లు కొంతమంది వేణు స్వామి-డింపుల్ హయాతిని తిట్టిపోయగా.. మరికొంతమంది వైన్ తో చేసిన పూజ ఫలితమైనా దక్కుతుందో లేదో చూడాలి. పూజ మందు వేసిందిగా డింపుల్ దశ కచ్చితంగా మారుతుంది. అంటూ జనాలు కామెంట్లు పెడుతున్నారు.
Read More..
అవ్వా.. తమన్నాకు కోపం వస్తే అలా చేస్తుందా? షాకవుతోన్న నెటిజన్లు!
