వాస్తవాన్ని వెంటాడుతూ గతం చేసిన యుద్ధమే 'వీరఖడ్గం': మారిశెట్టి సునీల్

దిశ, సినిమా: వివివి ప్రొడక్షన్స్ పతాకంపై కె.కోటేశ్వరరావు నిర్మాణంలో ఎం.ఏ చౌదరి తెరకెక్కించిన చిత్రం 'వీరఖడ్గం'. శ్రుతి ఢాంగే ప్రధాన పాత్రలో వస్తున్న ఈ మూవీని మార్చి మొదటివారంలో విడుదలచేయబోతున్నట్లు మేకర్స్ ప్రకటించారు. ఈ సందర్భంగా మాట్లాడిన వివివి ప్రొడక్షన్స్ లైన్ ప్రొడ్యూసర్ మారిశెట్టి సునీల్ కుమార్..

'సినిమా చాలా అద్భుతంగా వచ్చింది. చరిత్ర శిథలమైనా.. దాని మూలాలు ఎక్కడో ఒక చోట మిగిలే ఉంటాయి. పగ కూడా అంతే. ఒక మనిషిని నాశనం చెయ్యాలి అనుకుంటే ఎన్ని జన్మలైన సరే దాన్ని సాధించే వరకు మనిషి జీవితం మసి అయినా, ఆ శవమే మృగమై వెంటాడుతుంది. వాస్తవాన్ని వెంటాడుతూ గతం చేసిన యుద్ధమే ఈ 'వీరఖడ్గం' అంటూ మూవీ టీమ్‌ను పొగుడుతూ ఆల్ ది బెస్ట్ చెప్పాడు. ఇక సత్యప్రకాష్, ఆనంద్ రాజ్, బ్రహ్మానందం, మదన్, తపస్వి, అపూర్వ పృద్విరాజ్, టార్జన్, ధనరాజ్, తాగుబోతు రమేష్, చలపతి రావు కీలక పాత్రల్లో కనిపంచనుండగా షయాక్ పార్వాజ్ సంగీతం అందించాడు.