పెళ్లి కాకుండానే తల్లి కాబోతున్న వర్ష!.. ఛీ.. ఛీ పెళ్లికి ముందే ఏంటమ్మా అంత తొందర నీకంటూ కామెంట్స్
దిశ, సినిమా: జబర్దస్త్ ద్వారా ఎంతో మంది ఫేమస్ అయ్యారు. ఈ షో చాలా మంది నటీనటుల్ని సినిమాలో నటించే ఛాన్స్ వచ్చేంత ఫేమస్ చేసింది. అలా ఫేమస్ అయిన వారిలో వర్ష కూడా ఒకరు. ఈ షో ద్వారా ఎనలేని క్రేజ్ తెచ్చుకున్న ఈమె ఇమ్మానుయేల్ కు జోడీగా చేసి అనేక మంది ప్రేక్షకులకు చాలా దగ్గర అయింది.
ఇదిలా ఉండగా ఎక్స్ ట్రా జబర్దస్త్ తాజా ఎపిసోడ్ లో లేడీ కమెడియన్ శ్రీ విద్య చేసిన కామెంట్స్ నెట్టింట రచ్చ రచ్చ చేస్తున్నాయి. అందులో భాగంగా స్కిట్ లో శ్రీవిద్య, ఇమ్మానుయేల్ ముందుగా స్టేజ్ పైకి వచ్చి తాను ఓ జ్యువెల్లరీ షాపు యజమానిగా ఇమ్మానుయేల్ అందులో పని చేసే అమ్మాయిగా శ్రీవిద్య పరిచయం చేసుకున్నారు. అయితే తమ షాప్ అందరికీ తెలిసి బాగా పాపులర్ కావడానికి ఏదైనా ప్లాన్ చెప్పమని అనగానే శ్రీవిద్య జబర్దస్త్ నటులను తీసుకు వస్తే బాగా ఉపయోగపడుతుందని చెబుతుంది. అలా సెలబ్రిటీలుగా వర్ష, బాబులు స్టేజీ పైకి ఎంట్రీ ఇస్తారు.
ఈ క్రమంలోనే వారిద్దరూ చాలా ఓవర్ చేసే క్రమంలో ముందుగా సెల్ఫీ అడిగిన ఇమ్మానుయేల్ తో బాబు నువ్వేంట్రా ఇలా ఉన్నావు, నీ మొహమేంటంటూ కామెంట్ చేస్తారు. ఆ తర్వాత వారిద్దరినీ కుర్చీలపై కూర్చోబెడతారు. అంతలోనే బాబు అక్కడ ఏసీ పెట్టించలేదని.. కుష్బూ, క్రిష్ణ భగవాన్, రష్మిలా తాను ఎక్కడ పడితే అక్కడ కూర్చోనంటూ కామెడీ చేస్తాడు. అయితే అప్పటి వరకు చాలా సైలెంట్ గా ఉన్న వర్షం మాత్రం మెల్లిగా శ్రీవిద్యను పిలిచి.. వాటర్ మిలన్ జ్యూస్ లో అలా నిమ్మరసం కలిపి తీసుకు రావా అని చెప్పగానే తీసుకు రాకుండా.. ఏంటి మేడం మీరు కడుపుతో ఉన్నారా అని వర్షను అడుగుతుంది. ఆమె అలా అనగానే అక్కడున్న వాళ్లంతా ఫుల్ గా నవ్వేస్తారు. చాలా మంది నిజంగానే ఆమె ప్రెగ్నెంట్ అయినట్లు పెళ్లికి ముందే ఏంటమ్మా అంత తొందర నీకంటూ మరికొంత మంది ఎక్స్ ట్రాలు చేస్తున్నారు. ప్రస్తుతం ఈ వార్త నెట్టింట తెగ వైరల్ అవుతుంది.
