లవ్ అండ్ ఫ్యామిలీ ఎమోషన్స్‌తో ఆకట్టుకుంటున్న ‘ఉత్సవం’ ట్రైలర్
దిశ, సినిమా: యంగ్ హీరోయిన్ రెజీనా, దిలీప్ ప్రకాష్ జంటగా నటిస్తున్న తాజా చిత్రం ‘ఉత్సవం’. దీనిని హర్న్‌బిల్ పిక్చర్స్ బ్యానర్‌పై సురేశ్ పాటిల్ నిర్మిస్తున్నాడు. అయితే ఈ సినిమాకు అర్జున్ సాయి దర్శకత్వం వహిస్తుండగా.. ఉత్సవం సెప్టెంబర్ 13న థియేటర్స్‌లో విడుదల కాబోతుంది. ఇందులో నాజర్, అలీ, ప్రకాష్ రాజ్, రాజేంద్ర ప్రసాద్, ఆమని, సుధా, ప్రియదర్శి, బ్రహ్మానందం వంటి స్టార్ నటీనటులు నటిస్తున్నారు. ఇప్పటికే ఈ సినిమా నుంచి విడుదలైన అప్డేట్స్ అన్ని మంచి రెస్పాన్స్‌ను దక్కించుకున్నాయి.
అయితే ఈ సినిమా విడుదల తేదీ దగ్గర పడుతుండటంతో మేకర్స్ ప్రమోషన్స్ మొదలెట్టారు. ఇందులో భాగంగా ఉత్సవం ట్రైలర్ విడుదల చేశారు. లవ్ అండ్ ఫ్యామిలీ ఎమోషన్స్‌తో ఉన్న డైలాగ్స్ అందరినీ ఆకట్టుకుంటున్నాయి. అలాగే నాటకీయ రంగం కాన్సెప్ట్‌తో కళాకారుల ప్రతిభను చూపించారు. మొత్తానికి ఉత్సవం ట్రైలర్ ప్రేక్షకులకు సినిమాపై ఆసక్తిని పెంచుతోంది.
