వేశ్యగా అదరగొట్టిన టాలీవుడ్ హీరోయిన్.. అంచనాలు పెంచేస్తున్న వీడియో

దిశ, సినిమా: టాలీవుడ్ హీరోయిన్ అంజలి స్టార్ హీరోల సరసన నటించి మంచి గుర్తింపు తెచ్చుకుంది. అలాగే క్యారెక్ట్ ఆర్టిస్టుగానూ విభిన్న పాత్రల్లో కనిపించి తన సత్తా చాటుకుంటుంది ఈ బ్యూటీ. ఈ క్రమంలోనే ఇటీవల విశ్వక్ సేన్ ‘గ్యాంగ్స్ ఆఫ్ గోదావరి’ లో కీలక పాత్రలో నటించి అలరించింది. ఇందులో భాగంగా తాజాగా అంజలి మరో విభిన్న చిత్రంతో ప్రేక్షకుల ముందుకు వచ్చేందుకు సిద్ధం అవుతోంది.

అంజలి, అనన్య నాగళ్ల ప్రధాన పాత్రల్లో నటిస్తున్న వెబ్ సిరీస్ ‘బహిష్కరణ’. ముకేశ్ ప్రజాపతి దర్శకత్వంలో వస్తున్న ఈ వెబ్ సీరిస్‌ను జీ 5, పిక్సల్ పిక్చర్స్ ఇండియా బ్యానర్లపై ప్రశాంతి మలిశెట్టి నిర్మించారు. ఇక ఇప్పటి వరకు ఇందులో నుంచి వచ్చిన ప్రతి అప్‌డేట్ ఎంతో ఆకట్టుకోగా.. తాజాగా ట్రైలర్ రిలీజ్ చేశారు మేకర్స్. ‘మంచోడు చేసే మొదటి తప్పు ఎంటో తెలుసా..? చెడ్డోడి చరిత్ర తెలుసుకోవడమే’ అనే డైలాగ్‌తో ట్రైలర్ ప్రారంభం కాగా.. అంజలి వేశ్య పాత్రలో కనిపించింది. అలాగే యాక్షన్స్ సీన్స్, డైలాగ్స్ ప్రేక్షకుల్లో అంచనాలు పెంచే విధంగా ఉన్నాయి.