Selvaraghavan: ఆ సూపర్ హిట్ సినిమా సీక్వెల్ ఉంది.. అప్‌డేట్ ఇచ్చిన డైరెక్టర్
దిశ, సినిమా: టాలెంటెడ్ హీరో కార్తీ (Karthi) నటించిన ‘యుగానికి ఒక్కడు’ (Yuganiki Okkadu) చిత్రం ఎంతటి విజయాన్ని అందుకుందో తెలిసిందే. సెల్వరాఘవన్ (Selvaraghavan) తెరకెక్కించిన ఈ మూవీలో రీమా సేన్ (Reema Sen), ఆండ్రియా జర్మియా (Andrea Germia), ప్రతాప్ కె పోతన్, అభినయ, అజగం పెరుమాళ్ తదితరులు ముఖ్య పాత్రల్లో నటించి మెప్పించారు. 2010లో వచ్చిన ఈ సినిమా తమిళంలో కంటే తెలుగులో హీరో కార్తీతో పాటు డైరెక్టర్ సెల్వాకు కూడా మంచి గుర్తింపు తీసుకొచ్చింది.
అయితే.. ఈ సినిమాపై అప్పట్లో డైరెక్టర్ సెల్వరాఘవన్ సీక్వెల్ (sequel) ప్రకటించిన విషయం తెలిసిందే. కానీ సీక్వెల్‌లో మాత్రం హీరోగా ధనుష్ (Dhanush)ను అనౌన్స్ చేశారు. ఇదిలా ఉంటే.. ప్రేక్షకులను కొత్త లోకానికి తీసుకెళ్లిన ‘యుగానికి ఒక్కడు’ సినిమా సీక్వెల్ అనౌన్స్ చేసి చాలా కాలం అవుతుంది కానీ.. మూవీపై అప్‌డేట్స్ మాత్రం రాలేదు. దీంతో ఈ సినిమా ఇక ఆగిపోయింది అనుకున్నారు. ఈ క్రమంలోనే తాజాగా ‘యుగానికి ఒక్కడు-2’పై క్లారిటీ ఇచ్చాడు డైరెక్టర్. ‘ఈ సినిమా తప్పకుండా ఉంటుంది. కానీ అందుకు కాస్త సమయం పడుతుంది. దీని కంటే ముందు ధనుష్ మరో మూవీ సీక్వెల్ చేయాల్సి ఉంది. ఆ తర్వాత ‘యుగానికి ఒక్కడు-2’ ప్లాన్ చేస్తాము. అలాగే ఈ మూవీకి నటీనటుల ఎంపిక అతి పెద్ద టాస్క్‌గా ఉంది. పాత్రలన్నింటికి తగ్గట్టుగా నటులను సెలక్ట్ చేయడానికి చాలా సమయం పడుతుంది.. అంతే కాదు.. ఫస్ట్ పార్ట్‌ను మించి ఈ సీక్వెల్ ఉండేలా ప్లాన్ చేస్తున్నాము’ అంటూ చెప్పుకొచ్చారు.
