లీకైన 'దేవర' స్టోరీ.. వాళ్లంతా ఫ్రెండ్స్.. జాన్వీ ఆయన కుమార్తె!
దిశ, సినిమా: జూనియర్ ఎన్టీఆర్ హీరోగా.. కొరటాల శివ దర్శకత్వంలో తెరకెక్కుతోన్న ప్రతిష్టాత్మక చిత్రం దేవర. ఫుల్ మాస్ యాక్షన్‌లో.. రెండు పార్ట్స్‌గా తెరకెక్కుతోన్న ఈ సినిమాపై తారక్ అభిమానులు భారీ అంచనాలు పెంచేసుకున్నారు. ఇందులో బాలీవుడ్ బ్యూటీ సీనియర్ స్టార్ హీరోయిన్ దివంగత శ్రీదేవి డాటర్ జాన్వీ కపూర్ కథానాయికగా నటిస్తోంది. బాలీవుడ్ స్టార్ సైఫ్ అలీఖాన్ విలన్ పాత్రలో నటిస్తున్నాడు.
శ్రీకాంత్, షైన్ టామ్ చాకో.. పలువురు కీలక పాత్రల్లో కనిపించనున్నారు. అయితే రీసెంట్‌గా సలార్ చిత్రంలో నటించిన నటుడు పులి రాజేందర్ తాజాగా ఓ ఇంటర్వ్యూకు హాజరై మాట్లాడుతూ.. ‘‘నేను దేవర సినిమాలో నటిస్తున్నాను. ఈ చిత్రంలో నేను శ్రీకాంత్ పక్కన ఎక్కువగా కనిపిస్తాను. తారక్, సైఫ్ అలీఖాన్, షైన్ టామ్ చాకో, శ్రీకాంత్ వీళ్లంతా మంచి ఫ్రెండ్స్‌లా కలిసి మెలసి ఉంటారు. ఇక జాన్వీ కపూర్.. శ్రీకాంత్ కుమార్తె. సినిమా ఊహించని విధంగా ఉంటుంది. VFX మాత్రం అదిరిపోతాయి. ఈ ఏడాది తప్పకుండా దేవర భారీ విజయం సాధిస్తుంది. నేను ఇప్పటికే 50 రోజులు షూటింగ్ లో పాల్గొన్నాను. అంటూ పులి రాజేందర్ చెప్పుకొచ్పారు.
ఈయన ఇంటర్వ్యూ వీడియో సోషల్ మీడియాలో వైరల్ అవ్వగా.. ఇంకేం ఉందిరా బాబు.. స్టోరీ మొత్తం లీక్ చేశావ్ అంటూ జూనియర్ ఎన్టీఆర్ ఫ్యాన్స్ మండిపడుతున్నారు. ఈయన చెప్పిన విధంగా పరిశీలించినట్లైతే.. ఫస్ట్ అందరూ మంచి స్నేహితుల్లా ఉండి.. తర్వాత పలు కారణాల వల్ల విడిపోతారని అర్థమవుతోంది. ఈ సినిమా నుంచి ఇప్పటికే విడుదలైన గ్లింప్స్ చూస్తే.. సముద్రపు ఒడ్డున ఉండే ఊళ్లు, సముద్ర దొంగలు కథాంశంతో ఉండబోతుందని నెటిజన్లు అంచనా వేశారు. ఇక దేవర పార్ట్ 1 ఏప్రిల్ 5 వ తేదీన రిలీజ్ అవుతుందని ప్రకటించిన మేకర్స్ మళ్లీ వాయిదా వేశారు.
Read More: జూనియర్ ఎన్టీఆర్‌తో మూవీ తీసేంత కెపాసిటి నాకు లేదు : రామ్‍గోపాల్ వర్మ (వీడియో)
