‘The Kerala Story’ వేడి పూర్తిగా చల్లారక ముందే.. ‘ది డైరీ ఆఫ్ వెస్ట్ బెంగాల్’ లొల్లి
దిశ, సినిమా: దేశ వ్యాప్తంగా ‘ది కేరళ స్టోరీ’ మూవీ రిలీజ్ కి ముందు ఎలాంటి వివాదాలు సృష్టించిందో మనకు తెలిసిందే. కానీ విడుదల తర్వాత పాజిటివ్ టాక్ తో దూసుకుపోయింది. బాక్సాఫీస్ వద్ద వందల కోట్ల వసూళ్లు రాబట్టింది. అయితే ఈ సినిమా వేడి పూర్తిగా చల్లారక ముందే సనోజ్ మిశ్రా దర్శకత్వంలో ‘ది డైరీ ఆఫ్ వెస్ట్ బెంగాల్’ అనే మూవీ తెరకెక్కుతుండగా.. ఇటీవల రిలీజ్ అయిన ఈ సినిమా ట్రైలర్ పై వెస్ట్ బెంగాల్ ప్రభుత్వం అభ్యంతరం వ్యక్తం చేసింది. ఈ చిత్రం ద్వారా రాష్ట్ర పరువు తీసేందుకు ప్రయత్నిస్తున్నారని పోలీసులు నోటీసులు ఇచ్చారు. అయితే ఈ విషయాన్ని బీజేపీ తీవ్రంగా ఖండించింది. 'అప్పుడు ‘ది కేరళ స్టోరీ’ రిలీజ్ ని అడ్డుకున్నారు. ఇప్పుడు వాస్తవాన్ని చూపిస్తున్న ‘ది డైరీ ఆఫ్ వెస్ట్ బెంగాల్’ ని అడ్డుకుంటారా?' అని ఆగ్రహం వ్యక్తం చేసింది. ఇక దర్శకుడు కూడా సినిమాపై వివరణ ఇచ్చే ప్రయత్నం చేశారు. ‘రాష్ట్ర పరువు తీసే ఉద్దేశం నాకు లేదు. అన్ని విషయాలు తెలుసుకుని వాస్తవాన్ని మాత్రమే చూపించాం. సినిమా ఇంకా షూటింగ్ దశలోనే ఉంది’ అని తెలిపారు.
Read more:
Niharika Konidela : నిహారికతో విడాకులపై క్లారిటీ ఇచ్చిన మెగా అల్లుడు చైతన్య..!
‘ది కేరళ స్టోరీ’ డైరెక్టర్‌‌కు తీవ్ర అస్వస్థత.. ఆసుపత్రికి తరలింపు
